小改變，大改善!

我同老公同好多香港人一樣，習慣對住部電視機食飯。差唔多睌睌如是。

最近屋企嚟咗位小客人，佢叫Hayley，响boarding school讀緊中三。由於term break嘅關係會係我哋屋企住幾日。Hayley係我同老公眾多留宿過夜嘅朋友仔當中年紀最細嘅，因此我同老公亦盡量留意照顧佢多啲。

至從Hayley加入我哋嘅飯局之後，由於梳化唔夠大，我哋最近番番去飯枱度食。估唔到竟然因此而得到'小改變，大改善'嘅收效。响飯桌上你一言，我一語；我pass張紙巾俾你，你又幫吓我夾餸。單單係傾談時能望住對方，一段普通嘅對話頓時變得既生動又活潑。

一天雖有二十四小時，但其實真真正正同家人見面嘅時間每日可能先得三至四個鐘。其中好多時重要包括埋沖涼，傾電話，上網，打機.....可能我哋不自覺地將同家人嘅溝通時間用'攝罅'形式馬馬夫夫咁帶一帶過就算，隨時打機嘅態度仲緊張認真過同阿媽傾計。

聖經裡面有句好正嘅金句：因 為 你 的 財 寶 在 那 裡 、 你 的 心 也 在 那 裡 。(馬太6:21) 同老公結婚時間越耐，越覺得關係嘅長闊高深非常在乎你願意投資同付出多少。

天父啊！願祢叫我生活上嘅大小習慣，都能做到榮神益人！

聖靈能令條氣順番哂！

最近我公司將有同事離開。我自問同佢唔算熟，但見面時都有幾句傾。

响呢位同事決定resign之後同公司之間發生咗啲問題。可能佢嘅想法係我都就快唔做喇，仲執得咁正做セ？而公司態度就係規矩係唔會因為員工將快要離職而有所不同。到最後佢雖然照番公司規矩做，但態度就明顯唔同咗。

噚日係佢最後一日返工，我好有禮貌咁叫佢過嚟見一見我，第一次佢聽唔到，第二次聽到但頭都不抬問我'做セ事？', 再重覆第三次時佢依然無抬起頭望我，竟然問佢身邊嘅其它同事'佢講セ嘢？' (指我)，於是其它同事加大聲量話，'Irene話想見一見你呀！'。跟住佢先至施施然嚟見我。我雖然內心已經係火都嚟，但感謝神，我亦盡量用最好嘅態度同佢交談。

同事行開後，我仿彿好似聽到一把來自魔鬼嘅聲音話，'車....佢都就走喇，仲乜仲對佢咁客氣？反正佢態度咁串，仲唔整番個下馬威俾佢嘆吓？'，幸好聖靈立即過嚟擋駕，'所 以 無 論 何 事 、 你 們 願 意 人 怎 樣 待 你 們 、 你 們 也 要 怎 樣 待 人 ． 因 為 這 就 是 律 法 和 先 知 的 道 理 。 ' (馬太7:12); '不 以 惡 報 惡 、 以 辱 罵 還 辱 罵 、 倒 要 祝 福 ． 因 你 們 是 為 此 蒙 召 、 好 叫 你 們 承 受 福 氣 。' (彼前3:9)。 感謝神！我靠着主嘅能力能站立得穩，不至失見証。

在回家途中，我內心既充滿感恩亦同時充滿感慨：感恩係因為神嘅靈與我同在，叫我放工後立即將一切拋諸腦後，開開心心返屋企；感慨嘅係一件看似微不足道嘅事竟能令人性格改變，叫嗰位同事臨走前都耿耿於懷。我求天父祢嘅平安能幫助同事釋懷，讓佢响新嘅工作裡有更多機會去明白經歷祢。

我心安寧

我每睌臨瞓前喜歡讀一篇'靈命曰糧'作為小小靈修。有一篇文章雖然已經係一個多月前讀過，但至今依然印象好深。希望同大家分享一吓。

靈命日糧 - 2007年4月19日
瑪 莉‧威爾契所寫的《比麻雀貴重》（More Than Sparrows）是一本很實用的書，其中談及作者和一群青少年一起探討憂慮的問題。雖然他們是基督徒，但是他們和非信徒一樣為著日常生活的事情憂慮。在她親切地聆聽他們的話時，她靈機一動，決定讓大家玩一個遊戲。進行方式如下:

不說「我很憂慮」，而改說「耶和華是我的牧者」，再加上「所以我憂愁得要死！」學生們都笑了，覺得這真是個荒謬的主意。但是他們都同意來玩這個新創的「我心安寧」遊戲。

之後，瑪莉接到一位年輕女子的電話，說她之前非常擔心接下來的考試。接著她又說：「我今天得告訴妳，這個遊戲幫助了我信靠上帝。當我很擔心時，我就說：『耶和華是我的牧者……所以我害怕會考不及格。』突然，我感覺到一種前所未有的平安，我感到自己很可笑。接著我就去考試，結果我及格了！」

說「耶和華是我的牧者，我憂愁得要死」，不僅是一種思考遊戲，而是它指出憂慮的荒謬。上帝能使用這樣的矛盾，促使我們全心信靠他。JEY

你能禱告，何必憂慮呢？

信靠耶穌，他作你支柱；

不要懷疑，堅信他應許。

你能禱告，何必憂慮呢？ Peterson

憂慮是利息，支付借來的麻煩。

耶和華是我的牧者，我必不致缺乏。
(詩篇23篇1節）

有神作我哋力量嘅泉源，又係我哋嘅盾牌，作為基督徒嘅我哋真係幸福！

輸咗場波，但識咗個friend!

雖然我哋全部人都有哂最好嘅準備：Sammie早早就到四嫂屋企幫手煮大鍋鈑，Anissa同Symond噚日就整定一煲美味嘅牛尾煲，四哥出動埋video機諗住錄低我哋贏波後嘅癲狂情況，我就買定Krispy Cream Donuts當肥仔甜品，大埔劉華不斷講笑，而Terry就...不斷嘈嚟鼓勵大家士氣，一次又一次同大家派定心丸，今場Liverpool必勝......

睇吓！諗住好餸配好波架嘛...
呢鍱燒肉雖然燶燶哋，但卻好好味！

開飯lu！！！

你睇吓！四哥仲開埋支紅酒支持紅衫隊添！

無耐到最後都係....唉.....

當中有個以靜制動嘅新相識弟兄小吉，為咗保持風度同儀態一直心裡默默咁支持AC Milan...小吉弟兄！Nice to meet you! 下次你太太小雲返嚟London一齊嚟我屋企再'嗲'過啦！

旅行後小記-Barcelona

Eyewitness Travel - Barcelona

四日三夜嘅Barcelona之旅經已係上個星期五正式完滿結束。感謝神，除咗一啲小問題之外我同阿Rod嘅旅程都相當之順利。雖然行程緊凑，膊頭同雙腳都勁疲累(阿Rod話佢雙腳直程有撕裂嘅感覺)，但係所見，所聞，所經歷，所吃同所買嘅，完全係值得嘅！

遊覽Barcelona，當然係唔少得參觀著名嘅Architect Gaudi所design嘅buildings.但係當中係街度見到就算唔係Gaudi design嘅，好多都相當有特色。


除咗靚衫靚鞋店我鐘意去參觀之外，我都好鐘意行傢俬雜物店。Gaudi本身除咗係Architect外，佢對於Interior & Furniture設計亦同樣好掂。雖然相片所show嘅好多文物都有超過一百年嘅歷史，但展品當中有相當多嘅design就算依家睇落去都依然係潮爆！

宏偉嘅building通常樓底都超高，若果裡面無相當完善嘅燈光嚟照亮建築物嘅內部，單靠陽光都係未必夠。今次嘅旅行我所參觀嘅地方都有好多好grand同有特色嘅燈嚟襯托住各大師級嘅buildings，雖然呢啲燈都只係配角，但設計師依然係花足心思，叫我每一次嘅發現都哇-哇聲！

由於遊覽嘅buildings通常都相當之高嘅關係，我同老公有好多嘅機會可以參觀到Barcelona唔同角度嘅城市遠景。無耐我嘅傻瓜相機有心無力，影出嚟效果唔係咁好。

Barcelona嘅夜色亦相當迷人。若果夜睌無聊又唔想週圍行，我誠意推薦位於Placa d'Espanya嘅音樂噴泉(Font Magica)。個噴泉其實係National Palace (Palau Nacional)嘅一大遊覽景點特色。若果你係細個時曾經參觀過沙田新城市廣場嘅音樂噴泉亦曾經為此而發出過哇哇聲嘅話，我膽敢講句呢個Font Magica絕對唔會令你失望！

Barcelona嘅街景多姿多采，就算到半夜條街依然係人山人海 - 好多仲係local人添。真係好想問吓佢哋夜睌唔瞓但第二日都依然有精神返工嘅秘訣...

La Rambla嘅St. Josep Market亦係我同老公嘅至愛！入面除咗有好多古靈精怪嘅食品之外，裡面有一間即叫即煮嘅海鮮檔亦係我哋呢個trip嘅highlight！我哋連續兩次嘅brunch都係幫襯同一地方，絕對係食過番尋味！！！

講起食，Barcelona嘅海鮮絕對係抵食夾大件。而當地嘅咖啡更加係無論响邊度飲都咁香濃幼滑。我同老公都一致通過，最正嘅咖啡都依然係街市嗰間海鮮檔！實在係太令人回味無窮啦！！！

無論我係身在何處，本人嘅 '自動追貓狗器' 都會隨時候命，make sure我唔會miss咗任何可以比我摸吓掃吓啲貓仔狗仔嘅機會！今次嘅旅程好幸運地身邊嘅貓狗出現次數源源不絕。無耐有啲moment啲狗仔嘅行動實在係太迅速 (又或者係我攞相機嘅速度太慢)嘅關係，我未必每次都影到。以下嘅slide張張都有動物响度架！但條睇唔睇到就depends on 閣下雙眼夠唔夠利囉！呵呵呵！！！

睇咗咁耐，大家有無留意到上面啲相仲未有我哋兩公婆嘅出現呢？所謂好戲在後頭。各位觀眾，敬請密切留意下一篇嘅blog啦！

如要欣賞大師級嘅傑作，敬請click入去以下嘅網址:
http://www.pbase.com/studiocx/barcelona (大埔劉華嘅低調之作)

今日嘅節目時間又差唔多喇！多謝收看！聽日見！

Crazy K Crazy Day!!!

我終於都返嚟喇！

知道各位弟兄姐妹已經等我啲相同Blog等到好唔耐煩，唔好意思！

13/05 Yvonne 大壽: 再一次多謝Esther & Kevin 嘅超大愛心，俾我哋成班大細路/傻佬/靚仔靚妹/K皇K后玩到咁盡慶！一個字講哂: 正！！！

玩到癲K Party Video:
http://picasaweb.google.com.tw/Esther1213/BBQKaraokeParty130507/photo#5064407994086860786

今年第一次睇嘅戲

以前同老公超鐘意睇戲。幾遠都會搭車出去睇。唔知點解搬咗嚟一個戲院就係附近嘅地方之後，就無乜點去睇...

多謝Esther同Kevin！响橙色星期三帶埋我哋一齊去睇Spideyman。間戲院個screen又大，最緊要係比出面市中心平好多！正！

下次再有好戲唔該帶埋我哋一齊去呀！你哋真係好嘅啫！

In His Time

詩班今個May Communion會獻唱詩歌 - 在主裏的時刻。

我個人覺得，無論係帶詩、Choir獻詩、甚至係自己响家中彈琴敬拜神，要投入敬拜先要明白歌詞嘅內容，將神曾經同我經歷嘅响唱詩歌時回想，我就每一次都好容易讓詩歌去帶領我嘅情感，讓神嘅靈去感動我。

最近我唱歌時，望住份歌譜，我開始有個新嘅習慣 - 我會响度諗，究竟呢個作者去為呢首歌作曲、填詞時係一份點樣嘅心情？佢究竟同神一齊經歷咗啲セ嘢，令佢有咁大嘅感動嚟寫出我手上嘅歌譜？

我係好耐之前，當我係Mauritius初信主時，我已經識得唱呢首歌In His Time. 嗰陣時仲未話好鐘意音樂，初初聽呢首歌時我無乜嘢特別嘅感動，仲覺得呢首歌有啲悶添。

好多謝Anson嘅分享！真係估唔到事隔多年，我竟然會係SOC再唱呢首歌。今次仲有幸可以睇同聽到原著係點樣添。

我絕對估唔到一首主旋律聽落咁簡單嘅歌，會有咁浪漫嘅beginning。感覺就似睇到一個彈緊琴嘅少女，身邊有個風度翩翩嘅男友，手執玫瑰，靜靜地，深情地去欣賞呢位少女嘅演奏(我嘅想像力係咪好勁呢！！！)。

我係到諗，浪漫嘅時刻其實係現實生活中真係無乜幾何。特別係當你結咗婚，諗起今睌食乜餸都諗到頭都大埋時，你更加唔會諗起任何有關 '燭光睌餐'，'柔和音樂'，'翩翩起舞' 呢啲字眼。你或許只係諗到啲最basic嘅，如 '今朝煲湯今睌飲，今睌煮飯至有得食' 之類.....

然而每次我聽番Yvonne一次又一次彈呢首歌嘅時候，我個心都忍唔住係度同天父講，我雖然幻想唔到同天父祢一齊食燭光睌餐呢啲好傻傻更更嘅想法，但我求主祢唔好叫我生活嘅壓力，工作嘅緊迫，家庭嘅需要而乏略咗同祢一齊嘅甜蜜，寧靜嘅時間。當我應付緊生活時所做嘅嘢未必係我真正想做或enjoy去做嘅事情；但我look forward to 每一次我係祢嘅靈裡面享受嘅平靜，安穩，寬慰嘅浪漫時間。因為我知道，只有 那 等 候 耶 和 華 的 、 必 從 新 得 力 、 他 們 必 如 鷹 展 翅 上 騰 、 他 們 奔 跑 卻 不 困 倦 、 行 走 卻 不 疲 乏 。 (賽40:31)

In His time, in His time

He makes all things beautiful in His time

Lord, pleasse show me everyday

As You're teaching me Your way

that You do just what You say

In Your time

In Your time, in Your time

You make all things beautiful in Your time

Lord, my life to You I bring

May each song I have to sing

Be to You a lovely thing, in Your time

Ecclesiastes 3:11 "He hath made every thing beautiful in His time."

5th May Worship 美好回憶重温

唔該哂Esther同Kevin嘅video拍攝同剪接！以下係5th May Choir Worship嘅video重温！Enjoy!

http://picasaweb.google.com.tw/Esther1213/SundayWorship060507/photo#5062350751996716610

一個好正嘅星期日

首先，多謝所有幫忙worship嘅詩班弟兄姐妹，賜與我一個非常喜樂、好warm、好活潑、好彭拜嘅主日敬拜！同時亦要非常感激一班超正同committed嘅musician team。 有啲弟兄姐妹就算忙到飛起，又有考試又有工作，但到rehersal day 嘅時候全部都準時出席同落足心機參與不同意見，你哋個個都好正呀！

我亦想多謝PA同PO team。因為你哋嘅幫忙會衆同埋我哋先可以好smooth好安心咁一齊敬拜神！當然仲有後其加工嘅Esther同Kevin嘅錄影啦！麻煩哂！

最後，我最感謝愛我嘅天父，一次又一次讓我係敬拜中經歷祢嘅大愛同大能。我每一次係台上敬拜祢，感覺每一次都同祢有零距離嘅接觸。神啊！求祢繼續帶領我，去活出一個豐盛敬拜嘅人生！Yeah!

以下係我係星期日影嘅隨便照，enjoy!

各位書生，加油呀！

雖然好多人都話做學生嘅時間係最無憂無慮嘅，但若果再俾我揀我都係鐘意做嘢多啲。主要係因為我好怕考試。

我唔怕做project，寫essay, 做assignment，但要我將成年讀嘅嘢响兩個小時內死記難背出來，我真係無呢個能耐同把握。直到今日每當我工作壓力大嘅時候，我嘅潛意識就會係夜睌發夢時通常都發埋啲係學校考試，對住份睇唔明嘅試卷，頭昏腦脹，感覺想暈想嘔嘅夢。到驚醒後個心都依然係久久不能平服嗰種恐懼感。我自己都覺得自己好傻！

細個時對壓力處理完主全係靠同朋友傾訴，皆因大家都正在面對同一處境，有同感嘛。直到認識主耶穌，每當温書温到想放棄，覺得萬念俱灰時，我都會停一停，走去揾我個大細佬，佢彈琴，我唱歌。大家一齊响詩歌裡重新得力。而我最細嘅細佬David(响church度彈過結他嗰個)一聽到音樂聲，佢嗰陣重好細，唔太識唱，但都會入嚟聽詩歌。音樂，响我哋三姐弟中由細到大都飾演咗一個重要嘅角色，係連系我哋三個其中一樣好重要嘅bonding。

身在異鄉，有好多弟兄姐妹都係一個人搞掂起居飲食，生活一切大小所需都要自己落手落腳砌掂佢。考試其間壓力大，要捱過一啲都唔容易。My dear Rendtorff, Josh, Lay Hui, Loretta, Cecil, 宇安，偉鵬，Kevin, 阿Tim, Lesley, Amy.....等等等等嘅弟兄姐妹，加油！係每一個温書温到三更半夜嘅睌上，我哋嘅主耶穌亦在你身旁，陪伴左右，一齊渡過艱難時段！

耶 和 華 是 我 的 力 量 、 是 我 的 盾 牌 ． 我 心 裡 倚 靠 他 、 就 得 幫 助 ． 所 以 我 心 中 歡 樂 ． 我 必 用 詩 歌 頌 讚 他 。(詩28:7)

堅 心 倚 賴 你 的 、 你 必 保 守 他 十 分 平 安 、 因 為 他 倚 靠 你。(賽26:3)

我會為你哋祈禱架！

認識祢+你真好！

四日無寫Blog，我自己都心掛掛。呢個星期我真係忙到飛起。但係忙唔緊要，最緊要忙得嚟開心嘛！

嚟緊嘅禮拜日Choir將會幫手帶詩。感謝神賜與我今次嘅Worship Theme為 '向君王歡呼!'。 天父inspire我嘅詩歌我首首都非常鐘意。特別係第一首 '認識祢真好'。每一次唱呢首歌時我個心都有'甜到漏'嘅感覺！然後再睘固身邊嘅弟兄姐妹，加埋天父對我所做咁多咁好嘅事，我真係要從心由衷咁講聲：天父！認識祢真好！各位弟兄姐妹，能夠認識你哋真好！！！