愛的透視

有 愛 的 人 見 到 一 些 現 象 ， 不 急 於 下 判 語 ， 卻 走 到 現 象 的 背 後 尋 根 探 源 。

遇 見 家 人 脾 氣 暴 燥 ？ 他 不 急 於 火 上 添 油 ， 卻 問 ： 甚 麼 東 西 使 他 這 樣 暴 燥 。 是 否 生 活 有 壓 力 ， 工 作 有 困 難 ？ 是 否 借 題 發 揮 ， 發 洩 愁 怨 ？ 還 是 身 體 不 舒 服 ， 需 要 檢 查 ？

遇 見 朋 友 好 勝 逞 強 ， 吹 毛 求 疵 ， 他 不 急 於 拒 之 千 里 ， 卻 問 ： 他 最 終 想 要 甚 麼 ？ 他 為 甚 麼 要 逞 強 ， 過 去 有 甚 麼 失 敗 他 不 能 接 受 ？ 這 樣 的 個 性 是 在 怎 樣 的 家 庭 環 境 下 培 養 起 來 ？

聽 見 弟 兄 姊 妹 犯 罪 跌 倒 ， 他 不 急 於 批 評 定 罪 ， 更 不 忙 於 「 分 亨 新 聞 」 ， 製 造 謠 言 ， 卻 問 ： 是 真 的 嗎 ？ 是 怎 樣 引起 ， 為 了 滿 足 甚 麼 樣 的 需 要 ？ 他 現 在 的 感 受 如 何 ？

看 見 孩 子 頑 皮 搗 蛋 ， 無 心 向 學 ， 他 不 急 於 拿 起 鞭 子 管 教 ， 卻 問 ： 他 最 近 跟 甚 麼 樣 的 朋 友 來 往 ？ 看 甚 麼 樣 的 電 視 節 目 ， 會 不 會 看 得 太 多 ？ 學 習 的 環 境 有 利 他 學 習 嗎 ？ 會 不會 我 太 忙 ， 沒 有 時 間 關 心 他 ？

有 愛 就 有 關 心 ， 有 關 心 就 會 留 意 對 方 ， 不 但 聽 對 方 口 中 的 話 ， 也 聽 他 沒 有 說 出 來 的 話 ， 不 但 注 意 現 象 ， 也 注 意 現 象 背 後 的 成 因 。 成 因 沒 有 求 証 以 前 ， 只 可 以 假 設 ， 只 可 以 猜 測 ， 所 以 只 可 以 採 取 一 種 「 暫 時 性 」 的 態 度 ， 準 備 隨 時 修 改 。 因 為 真 誠 關 心 ， 卻 不 「 蓋 棺 論 定 」 ， 對 方 便 可 以 放 心 ， 敞 開 自 己 ， 吐 露 真 性 ， 甚 至 進 一 步 尋 求 改 進 自 己 或 解 決 問 題 的 途 徑 。

我 親 愛 的 弟 兄 們 、 這 是 你 們 所 知 道 的 ． 但 你 們 各 人 要 快 快 的 聽 、 慢 慢 的 說 、 慢 慢 的 動 怒 ．因 為 人 的 怒 氣 、 並 不 成 就 神 的 義 。 (雅 1 : 19 - 20)

咳....咳....咳...

去完Leeds之後喉嚨開始有啲痛，有少少傷風。之後雖然有立即食藥，但可能仲要等吓添...今日唔單只咳死我，仲要...無埋把聲....ohhhhh....

但係我依然要滿心感謝神，因為佢賜與我好健康去Leeds探朋友，有好聲線响星期日獻詩，有好boss俾我提早放工休息，回家後唔使煮仲有碗隔夜粥食...天父啊！多謝祢係我唔舒服時俾我嘅適心照料！祢對我真係好到無得頂！

加油呀Irene！要快啲好番呀！！！

Visited Alex the Pooh's in Leeds

英國嘅夏天大勢已去。好開心可以係仲有溫暖陽光同可以着短袖衫嘅週末去探訪住係Leeds嘅Alex同好耐無見嘅Angela。

有啲朋友耐咗無見，但都唔太覺得好掛住對方又或係好想同對方見面。感覺得隨緣啦！見到咪見，見唔到都無法啦。有啲朋友俾我嘅感覺似麥記嘅harsh brown，又或係肯得記炸雞一樣，一係就諗唔起對方，萬一諗起嘅話就掛到飛起，跟住就唔見唔得！

我覺得我同阿Rod嘅非正式家庭GP Alex俾我嘅感覺，好比harsh brown同炸雞—樣(哈哈！)。自從Alex搬咗去Leeds之後，真係無見成八個月！Angela就更加係成年無見咁濟。感謝神佢賜與我一個bank holiday同埋無理由再唔去探好友嘅情況下，終於都的起心肝，無懼個接近三小時既火車trip，走到去Leeds去探朋友。雖然只係短短一晚，一餐宵夜，—個brunch，同埋一餐相當有質數嘅hightea，但係當中嘅真摯分享，笑到肚痛嘅笑話，同埋真誠嘅祈禱，叫我哋兩公婆覺得絕對係值回票價！我哋更已相約九月份再次相聚+Wii tennis對決(Alex你最好綀下先同我打啦.…呵呵呵！)+ 豐富晚餐(Angela希望你到時食多啲同食肥啲！)。Dear A&A, see you all soon!!!

Alex 係Winnie the Pooh's fans, 啲杯幾cutie!

一齊食豐富嘅home made English Breakfast

出發去行街街lu!

後面係好出名嘅Betty's Tea House

多謝Alex次次都有正嘢介紹！個afternoon tea 真係好high呀！

Dear Alex & Angela, 九月見!今餐我請！哈哈！！！

八月份嘅記念品

唔使你題醒我都知道八月份就嚟完結...無所謂啦！咁得意嘅月曆唔用望吓都開心嘛....

嗚........我都想養隻貓仔呢.........!!!

不要失去獨特的你

我同老公剛開始一齊生活時，兩人都相當唔習慣：書架上多咗書本，衣櫃卻少咗空間; 房間雖然大咗，活動範圍卻窄咗；生活多咗一個人，卻仿彿少咗自己。幸好神一直都保守住我倆嘅關係。雖然當中都有唔滆洽嘅時候，但身為我哋一家之主嘅天父，佢十分懂得處理我哋夫婦之間嘅問題，我倆對佢絕對係滿心感激。

認識我同阿Rod嘅人都知道我倆性格實在係南袁北徹：佢比較安靜，做事踏實；我就比較嘈吵，古靈精怪；阿Rod係 '思想形' - 應做嘅事情需要反覆思量過後還需反覆再三思量(因此請佢做家務係一件同耐性打扙嘅挑戰)，而我則係 '行動形' - 想做同喜歡做嘅就會「澎!」一聲立刻去做，行動快過思想。我老公係嗰啲'慢工出細貨'嘅人，而本人則是名正言順係'快工出粗貨'。就單單為住性格上嘅分歧，我倆响新婚適應期內經常不斷又不斷咁爭鋒相對。雖然依家磨察嘅情況較以前大幅度減少，但還需神不斷咁保守先能見關過關。

最近問老公，其實佢最初想要嘅伴侶性格係點嘅呢？若果我嘅性格和依家嘅相反，佢會唔會鐘意我多啲呢？老公微笑話，'其實我都無諗過將來伴侶會係點樣性格。''咁假若我變得溫柔一啲你會唔會開心多啲？' '唔知喎！' 哈！答得幾有智慧！

無錯，以上嘅假設性問題的確係無聊同無意義。但有一樣事情係可以肯定嘅，就係神用咗好多嘅愛同心思做咗你同我。我嘅性格當然有好多不足之處需要去改善。但天父佢既然賜與我開朗快樂嘅性格，佢就係想我用此性格嚟做就他人。當然係成長嘅過程中我亦要虛心學習神嘅温柔同忍耐，但我相信天父係唔會想我為咗得到更多人嘅接立而刻意咁去改變佢賜比我獨特嘅個性。

你 的 手 製 造 我 、 建 立 我 ． 求 你 賜 我 悟 性 、 可 以 學 習 你 的 命 令 。 (詩篇119 : 73)

誰有資格談愛

所 有 愛 的 關 係 都 附 帶 著 責 任 ， 有 愛 就 有 責 任 。 有 些 人 想 愛 卻 不 「 能 」 負 責 任 ， 結 果 愛 不 下 去 。

有 一 個 年 青 的 女 孩 ， 愛 上 一 個 有 婦 之 夫 ， 兩 人 相 愛 ， 發 生 了 關 係 ， 產 下 一 個 可 愛 的 男 嬰 。 可 是 她 不 能 撫 養 自 己 的 骨 肉 ， 要 把 他 送 給 人 。 她 負 不 起 這 個 責 任 ， 因 為 她 尚 未 獨 立 ， 不 想 父 母 知 道 她 的 越 軌 行 為 。

有 些 人 想 愛 卻 不 「 想 」 負 責 任 ， 結 果 也 是 愛 不 下 去 。

一 對 年 青 男 女 墮 入 愛 河 ， 如 膠 似 漆 ， 雖 然 父 母 諸 多 反 對 ， 親 友 諸 多 壓 力 ， 他 們 不 顧 一 切 ， 終 於 有 情 人 終 成 眷 屬 。 可 是 婚 後 不 到 兩 年 ， 他 們 便 要 分 手 。 原 來 男 的 開 始 覺 得 家 庭 是 一 個 枷 鎖 ， 妻 子 安 全 感 不 夠 ， 佔 有 慾 太 強 ， 自 己 事 業 尚 未 開 展 ， 兒 女 又 接 踵 而 來 。 漸 漸 心 中 有 種 「 被 拖 累 」 的 感 覺 。 起 初 借 故 發 脾 氣 ， 後 來 索 性 以 沉 默 抵 抗 。 最 終 忍 受 不 了 ， 拂 袖 而 去 。

另 一 個 男 人 ， 也 有 類 似 的 經 歷 與 感 受 。 他 是 一 個 工 程 師 ， 家 中 有 三 個 嬌 滴 滴 的 女 兒 。 每 天 下 班 ， 腳 一 踏 進 家 門 ， 愛 的 溫 馨 便 湧 襲 上 來 ， 這 個 要 他 親 親 ， 那 個 要 他 抱 抱 ， 另 一 個 要 他 陪 著 玩 ， 忙 個 不 了 。 飯 後 還 要 負 責 洗 碗 ， 替 孩 子 洗 澡 。 有 時 很 想 看 看 書 ， 總 閒 不 下 心 來 。 週 末 更 不 用 說 了 ， 維 修 房 子 、 剪 草 、 陪 家 人 娛 樂 ， 頭 髮 就 在 這 種 的 生 活 中 變 白 了 。

有 時 候 他 也 有 一 種 欲 脫 羈 纏 、 展 翅 飛 騰 的 意 欲 。 但 他 畢 竟 真 心 愛 他 的 妻 兒 ， 愛 帶 來 一 種 自 發 的 負 責 任 感 。 發 展 事 業 固 然 重 要 ， 但 事 業 可 以 改 變 ， 也 可 以 重 建 。 家 庭 倫 常 卻 是 一 生 之 久 ， 破 壞 或 失 去 了 ， 便 永 遠 不 能 填 補 。 愛 要 求 付 出 而 不 後 悔 。

有 愛 就 有 責 任 ， 肯 負 責 任 的 人 才 有 資 格 談 愛 。

溝通的標點符號

人 與 人 溝 通 是 一 門 大 學 問 ， 一 句 話 由 我 的 口 出 來 ， 進 入 你 的 耳 朵 ， 這 段 路 程 可 說 是 世 界 最 迂 迴 曲 折 的 路 。 有 時 我 想 傳 遞 的 信 息 在 半 路 上 不 知 怎 樣 丟 失 了 ， 你 沒 有 聽 進 去 ； 另 一 些 時 候 ， 我 沒 有 說 的 話 ， 又 不 知 怎 樣 套 上 了 我 的 標 籤 ， 出 現 在 你 的 腦 海 裡 。

原 來 人 的 說 話 在 整 個 訊 息 裡 只 佔 很 微 少 的 分 量 ， 專 家 估 計 不 到 百 分 之 十 。 其 他 部 分 盡 在 不 言 中 ， 「不 言」 包 括 身 體 的 語 言 ， 例 如 面 部 表 情 、 眼 神 、 手 勢 、 聲 調 等 ， 言 者 的 為 人 與 性 格 ， 與 聽 者 的 關 係 等 等 都 穿 插 在 訊 息 裡 面 。 這 些 靜 語 可 以 說 是 溝 通 的 標 點 符 號 ， 在 每 個 訊 息 中 ， 或 加 強 其 清 晰 度 ， 或 扭 曲 其 原 意 ， 或 帶 來 干 擾 ， 混 淆 信 息 的 真 義 。

有 些 人 自 我 特 強 ， 每 句 話 都 以 「。」 結 束 ， 以 示 自 己 一 言 九 鼎 ， 滿 有 權 威 ， 別 人 要 發 表 意 見 ， 就 是 對 權 威 挑 戰 ， 不 但 不 予 接 受 ， 還 以 敵 意 視 之 。 其 實 別 人 不 發 一 言 ， 並 不 表 示 就 同 意 接 受 你 說 的 話 ， 內 心 有 反 感 而 不 表 達 出 來 ， 阻 力 與 難 處 就 更 大 。

另 一 些 大 情 大 聖 的 人 ， 與 人 溝 通 左 腦 全 不 管 用 ， 字 裡 行 間 滿 了 「！」 。 對 剛 識 不 久 的 人 就 不 斷 戴 高 帽 ： 你 太 捧 了 ！ 你 這 套 衣 服 太 美 了 ！ 你 的 口 才 太 好 了 ！ 但 只 要 一 點 不 順 意 ， 他 們 的 語 氣 就 來 個 急 轉 彎 ： 你 這 個 人 太 過 分 了 ！ 呸 ！ 你 有 甚 麼 了 不 起 ！ 你 太 傷 我 的 心 了 ！ 與 這 樣 的 人 交 往 ， 就 像 坐 摩 天 輪 一 樣 ， 忽 高 忽 底 ， 暈 頭 轉 向 ， 無 法 建 立 有 意 義 實 在 的 溝 通 。

還 有 一 些 人 就 是 喜 歡 在 別 人 的 談 話 中 插 入 一 個 「 一 」 ， 好 像 說 ： 「 你 說 的 不 夠 好 ， 讓 我 來 補 充 ； 說 的 不 夠 清 楚 ， 讓 我 來 解 釋 。 」 既 不 讓 人 把 話 說 完 ， 就 先 了 結 論 ， 難 保 他 插 入 的 話 ， 會 好 到 那 裡 。 對 方 感 到 不 受 重 視 ， 便 無 心 作 進 一 步 的 溝 通 。

另 有 些 人 聽 人 說 話 ， 總 打 一 個 「？」 ， 以 審 判 官 的 高 姿 態 ， 先 假 定 對 方 思 路 不 清 ， 口 齒 不 伶 ； 有 所 隱 瞞 ， 有 所 迴 避 。 總 是 滿 腹 狐 疑 ， 對 人 一 百 個 不 信 任 ， 使 人 無 法 放 心 地 溝 通 。

其 實 溝 通 不 是 競 賽 ， 無 須 較 力 爭 勝 ； 也 不 是 表 演 ， 無 必 要 做 秀 逞 強 。 有 意 義 的 溝 通 是 為 了 增 進 兩 個 人 的 關 係 ， 最 重 要 的 是 愛 心 的 表 達 。 以 開 放 的 態 度 ， 用 心 的 聆 聽 ， 忍 耐 地 瞭 解 ， 不 斷 地 修 改 自 己 先 存 的 成 見 ， 這 樣 才 能 鼓 勵 對 方 一 同 進 入 一 場 有 意 義 的 談 話 。

沒有fellowship, 不會有worship

呢個唔係有雞先定係蛋先嘅問題。呢個係若沒有A，便不會有B嘅論點。

當我剛信主不久，我已經sort of 決志，要做一個worship leader。 當時年紀仲細(中學都未畢業)，只覺得可以係台上帶領咁多人一齊，唱自己所選擇同鐘意嘅歌係一件幾威嘅事。嗰陣教會(係Mauritius)並無乜嘢帶詩訓練，由於人數又唔多，慢慢就變成咗. '咁簡單嘅job, 邊個得閒就邊個帶啦！'嘅態度。

加入詩班後，慢慢明白到更多帶詩或獻詩嘅技巧同心態，而亦有一啲海外嘅傳道人嚟教道，逐漸了解原來帶詩唔係一件好威水嘅事，而係一件完完全全降服係神面前，恭恭敬敬咁將自己交上；要體貼神嘅心思意念，講出神想要你籍住詩歌，敬拜，讚美，祈禱等去帶領會衆同神見面。

我好多謝天父，賜與我機會係台上事奉神同弟兄姐妹，亦賜與我好多唔同嘅機會去學習帶詩同唱歌嘅技巧。雖然我仲有大把嘢要學，但心態已經慢慢swtich咗focus: 我嘗試緊多啲專注係屬靈因素，少啲focus係skill方面。

至從入咗SOC後，被黄牧師不斷又不斷咁提醒自己，'事工永遠係次要，關係先係最緊要'。依家嘅我深知道要追求技巧可能係一件永遠都沒完沒了嘅事；就算隊worship team嘅技巧高到好似播CD一樣，但若果當中無咗和陸，包容，喜樂，愛心等等神更加看重嘅精神，所奏出嚟音樂都絕不能榮神益人，咁就不如唔好做好過！

能健康正常咁活着係恩典，能夠係星期日去到教會敬拜神係恩典；而被神差遺去做佢嘅事工亦係恩典！天父亦都知道我鐘意玩同埋食嘅性格，因此自從可以係SOC教會幫手帶詩之後，我就將每一次worship prep嘅時開變咗做fellowship: 有得食餐好，又有得jam靚歌，仲有好多好正嘅分享時間... Oh! Worship & fellowship絕對係決一不可！！！

多才多藝嘅Adrian

既Rock得又浪漫得嘅Angus

絕對係無得彈嘅Christine

人靚歌甜嘅Rachel & Esther

加埋我: 無時停嘅Irene

好可惜Adrian今個星期日唔得閒...da la! 近乎完美嘅12th Aug Worship Team!

時 候 將 到 、 如 今 就 是 了 、 那 真 正 拜 父 的 、 要 用 心 靈 和 誠 實 拜 他 、 因 為 父 要 這 樣 的 人 拜 他 。 神 是 個 靈 ． 所 以 拜 他 的 、 必 須 用 心 靈 和 誠 實 拜 他 。(約4:23-24)

至 於 我 、 我 必 憑 你 豐 盛 的 慈 愛 進 入 你 的 居 所 ． 我 必 存 敬 畏 你 的 心 向 你 的 聖 殿 下 拜 。 (詩篇5:7)

PS: 特別鳴謝Christine嘅高級西餐款待同理大埔劉華嘅拍攝！

Wii民係セ水無獎齋估遊戲開估啦！

各位忠實嘅小小Blog讀者,

雖然大家嘅智慧同醒目程度絕對係高超，但右手面嗰位我承認係絕對唔容易估到。事不挺遲！答案就係..............

左手邊數起: 1) Mary 2) Eva 3) Wilson 4) 阿草

為咗令大家睇得清楚啲，我特別影咗一張阿草嘅大頭Wii照:

設計師: 大埔劉華

頭獎無人中，好榮幸二獎係屬於Mill Hill 劉華太座榮獲！而安慰獎得主係遠自香港嘅Lilian! 至於勝出原因係佢嘅積極同'女'敗'女'試嘅態度 (sorry! 唔識寫嗰隻'女'字添！多多包容！)，係絕對令人敬佩嘅！

再一次恭喜哂咁多位！Mill Hill 劉華太座，你嘅獎品就係我下次嚟你屋企時幫你整吓啲Wii公仔啦！！！

詢眾要求嘅關係，我亦將大埔劉華嘅Wii硬照响度公佈天下：

設計師: 亦都係大埔劉華本人

(原本我整開嗰隻公仔經已被我老公改到完全唔同哂................)

似唔似就見仁見智囉！！！呵呵呵！！！

今日嘅節目時間又到喇！希望係不久嘅將來再出下集啦！

Wii民係セ水無獎齋估遊戲

各位忠實嘅小小blog讀者:

若果你睇完咗下面嘅blog同相片，而又唔屬於當日出席嘅打Wii友嘅話，歡迎你參與以下嘅 'Wii民係セ水無獎齋估遊戲'！


唔使講咁多！估到嘅就回blog啦！答案會於下星期一公佈！敬請大家積極參與！！！多謝支持！！！

該慶祝的生日和Born Again

在我信主無幾耐後，曾聽過—個教會長者講過，'基督徒唔應該慶祝生日，因為每一個人嘅誕生都係帶俾呢個世界多一個罪人；反而我哋更應該慶祝重生(Born Again)，因為世界從始多一個信主得救嘅人’。我絕對應同後者，但也同時應為基督徒嘅生日亦值得慶祝。

耶穌曾話，一個好牧羊人，唔會因為'唔見咗一隻羊啫，都仲有九十九隻羊'而心存僥倖。好牧人會立即放下個九十九隻羊而去尋找迷失咗個一隻。搵到後會happy到要開party慶祝！

若我無出世既話, 我唔會有機會認識我主耶穌嘅愛，被佢拯救，與神一齊去經歷生，老，病，死；不管以前嘅我脾氣有幾差，自我有幾咁自私，或做事幾咁野蠻任性，我相信當我願意打開心靈，接受主耶穌做我個人救主嘅嗰一刻，天父同天使都曾經為我呢個頑友細路開party慶祝過！

係我人生嘅低谷時，我曾問過自己, ‘若我無係呢個世界上出現過就好喇。' 但每一次當我被神帶領我一步一步咁跨過難題時，我都要感激神所賜與我誕生同存活機會；感謝佢看顧我嘅生命同帶領我點樣去活得豐盛同精采。

人大咗，慶祝生日亦通常係同三五知己一齊去食餐飯。但每當我去回顧過去咁多年嘅生日相時，我發現有啲朋友已經不在身邊（如返港 for good）, 有啲雖然還在附近但卻少咗聯絡；有啲則變得相當疏離。能夠留係身邊年年都一齊慶祝嘅絕對係極少數… 但我心依然充滿感恩：神賜與我機會去認識相片中嘅你，當中亦曾一起經歷過好多唔同嘅ups and downs，或一齊事奉過，或一齊大喊大笑過，或一齊低頭祈禱過… 呢一切一切回憶都係寶貴同渦心 – 每次諗起都總係值得人會心微笑。