我每日都要早啲瞓！

有好多弟兄姐妹都知道我住嘅地方同工作Office相距好遠。如果地鐵無delay嘅話我大概要預兩小時door to door返工。即係話來回要成四個鐘嘅時間。因為咁最初搬屋時大部份嘅弟兄姐妹都唔係太支持我呢個決定，連老公都好擔心我身體未必捱得住。感謝神！除咗腰骨痛之外我同老公响 '新居' 度真係住得好開心。每日經過週圍綠油油嘅路行去搭車時，我內心都充滿感恩。而每日放工回家嘅時間亦係我全日嘅highlight! 總係急急腳等唔切快啲返屋企咁！

可能好多人都有我相似嘅感覺，總覺得响屋企嘅時間過得特別快。食完睌餐，睇一陣電視，沖埋涼，上一陣網，眨下眼就已經十一、二點。最初我同老公都覺得成日返工咁辛苦，早啲瞓咪好唔抵！點都要拖到十二、一點唔知做咗啲セ先肯返睡房，仲要睇多一陣電視同書先終於肯熄燈瞓覺。可能而家年紀不及以前，第二日起身感覺好似無瞓一樣！成個人散哂咁！所以今日我同老公都要決志，每日起碼早半個鐘頭瞓，主要都係要好好保重身體，每日都要將最好嘅精神做好神所賜與嘅工作！

係箴言第三章咁話：

我 兒 、 要 謹 守 真 智 慧 和 謀 略 ． 不 可 使 他 離 開 你 的 眼 目。

這 樣 、 他 必 作 你 的 生 命 、 頸 項 的 美 飾 。
你 就 坦 然 行 路 、 不 至 碰 腳 。
你 躺 下 、 必 不 懼 怕 ． 你 躺 臥 、 睡 得 香 甜 。

噢！唔寫啦！大家都早啲休息喇！Good Night!

Baby Christian 餔猫記

至從上次寫咗嗰篇 'Baby改名狂想曲' 之後，我就非常掛住Handsome一家。得知Handsome爸爸將快有遠行，又知道佢最近工作做得好辛苦，我同阿Rod誠邀Mill Hill劉華Fans Club 所有成員+The Handsome's Family在我家中舉行 '互相charge電睌會'，好讓大家互解相思之苦。

當睌餸菜相當簡單(連我都識煮嘅又可以復雜得去邊？！)，難得嘅係大家都唔兼棄，仲幫我全部清哂，大家真係好唔話得呀！

嚟過我屋企嘅弟兄姐妹都知道我屋企係無セ嘢玩嘅。所以我已經提一提阿James要帶多啲玩具俾Baby Christian玩。好奇怪，佢今次就睇中咗我屋企嘅一籮貓，總共有六隻。當大家都係到諗呢籮貓有セ咁好玩時，Baby Christian已經好開心咁餔住佢哋！再一次証明，小朋友真係可以セ都玩一餐架！！！

與小鳥一起敬拜

親愛的天父，

今曰放假，每當我一個人係屋企嘅時侯，我最鐘意做嘅有彈琴，睇worship DVD，聽歌同寫blog。雖然以上嘅事老公係屋企度都做得，但一個人時仿彿可以專心啲。

今朝同一個弟兄响MSN chat 咗好耐，俾咗我好多支持同鼓勵。chat 完後我立即想彈首歌俾祢聽，我好多謝祢每次當我感到迷失，灰心同想放棄時，天父祢總唔會置之不顧。祢每次都差派唔同嘅人做我嘅天使，話我知祢嘅心意。神啊！當我做得唔好時，無論俾弟兄姐妹提醒或係被祢教導，我嘅耳聽嘅時候唔多唔少都可能覺得難受。但神祢嘅言語同教訓從來都唔係為咗我內心好過啲，而係為咗要我活得更加似耶穌。

神啊！祢係箴言第二章咁樣提醒我：

我 兒 、 你 若 領 受 我 的 言 語 、 存 記 我 的 命 令 、
側 耳 聽 智 慧 、 專 心 求 聰 明 ．
呼 求 明 哲 、 揚 聲 求 聰 明 、
尋 找 他 如 尋 找 銀 子 、 搜 求 他 如 搜 求 隱 藏 的 珍 寶 、
你 就 明 白 敬 畏 耶 和 華 、 得 以 認 識 神 。
因 為 、 耶 和 華 賜 人 智 慧 ． 知 識 和 聰 明 都 由 他 口 而 出 ．
他 給 正 直 人 存 留 真 智 慧 、 給 行 為 純 正 的 人 作 盾 牌 ．
為 要 保 守 公 平 人 的 路 、 護 庇 虔 敬 人 的 道 ．
你 也 必 明 白 仁 義 、 公 平 、 正 直 、 一 切 的 善 道 。
智 慧 必 入 你 心 ． 你 的 靈 要 以 知 識 為 美 ．
謀 略 必 護 衛 你 ． 聰 明 必 保 守 你 ...... 智 慧 必 使 你 行 善 人 的 道 、 守 義 人 的 路 。

神啊！好多謝祢時刻不斷咁保守住我的心，也保守我的腳不陷入網羅。

天父啊！雖然我嘅琴技好差，顧得住彈琴就顧唔到唱歌，但剛才我彈緊 '認識祢真好' 時，窗外嗰隻雀仔一路陪我好大聲咁唱歌！天父啊！我嘅感覺就似同祢一齊唱歌咁！嗰種sweetness真係好難用言語嚟形容！

好多謝祢呀！

神啊！懇求祢幫我去專心仰賴耶和華、不可倚靠自己的聰明．在我一切所行的事上、都要認定祢、祢必指引我的路！

以上嘅祈禱奉我主耶穌基督寶貴嘅名字而求，
阿門！

老公！你係得嘅！

今日我嘅新notebook到咗！好開心！自己之前個部實在太舊，假若我想打開一個較多動畫嘅網站，將需時大慨係沖一杯荼或彈本首歌嘅時間！雖然我部新機唔係最勁同powerful，但係起碼依家係沖咗杯荼後就再無時間飲lu...直係好！

話說今朝早我花咗成個早上幫部電腦做setup。但無耐搞來搞去都上唔到網。以我咁無耐性嘅性格實在係等唔切我老公放エ返嚟整。於是我立即IM我美國嘅大佬問吓セ嘢係network key, セ嘢係呢樣同嗰樣。無耐我大佬雖然施展哂渾身解數，但我仍然係唔知發生乜嘢事......成個朝頭早都好無耐咁望住部機...............

好唔容易先等到我老公放公返屋企！而我老公當然係繼續佢嘅生活routine而唔會立即幫我整部機啦！終於等到佢食完飯，食生果，睇完戲，上埋網，飲完荼....之後，我老公就响我沖完涼，彈完琴，覆埋mail嘅時間令到我嘅小小notebook生龍活虎！佢老婆我實在係自愧不如 + 嘆為觀止！

老公！你係得嘅！

彭伯伯！祝你早日康服！

親愛的天父，

好開心！剛收到郭先生嘅電郵，知道彭伯伯終於都醒番啦！感謝天父聆聽教會咁多弟兄姐妹嘅祈禱！天父，祢真係好！

知道彭伯伯行動唔係咁方便，身體仍未完全康復。神啊！求祢繼續醫治彭伯伯。希望能夠係不久嘅將來再見到彭伯伯好精神咁响教會到出現！

知道彭太太佢連日來也奔波勞碌，也懇求神祢支持佢身心靈嘅需要。願彭太太係祢嘅靈裡每天都充滿力量和平安。當彭太太覺得憂慮又或者夜睌瞓得唔好時，願神祢陪伴佢左右，擔當彭太太嘅憂傷。

神啊！多謝祢聆聽我嘅禱告。簡單嘅祈禱奉主耶穌基督名求，阿門。

劉華仔生日快樂！

為慶祝劉華仔年年二十五歲生辰之喜，劉府由十八號星期三到今天二十二號已經分別咁大事慶祝長達四餐之久！劉華仔真係切蛋糕都切到手軟！唔好講咁多！我哋馬上去(相)片！



18/04: 我哋6th May worship 嘅P.A. 同musician team一齊練歌同分享。當然唔少得豐富嘅晚餐相伴啦！興奮之情和劉華眾多嘅生日會實在是不徨多讓！Esther, Yvonne, 多謝你哋嘅丈義相助！如果唔係我真係搞唔掂呀！


21/04: 緊接住嘅係Raymond & Stella家嘅九大簋豪門夜宴！





呢一晚除咗有幸見識到Albert 同 Irene兩位食家嘅專業名酒推介, 韓國Sake'百歲酒'之外，佢哋仲好慷慨咁分享佢哋嘅私人真藏法國名釀。由於支酒嘅label 紙實在係太舊嘅關係，年份係睇唔多清楚嘅。但係以我個人估計呢支酒大約應該係1970-2007年之間.......

而當晚嘅大廚Raymond所show嘅quali, 包括梅子鴨，荷葉蒸雞，香辣大蒜蝦，清蒸大石班等等等等嘅菜色，絕對係令人回味無窮！好好味呀！


22/04: 好事一浪接一浪, 美食一餐接一餐！當我同劉華仔都未得閒消化哂噚晚嘅佳肴美酒時，Mary & The Gangs 竟然大膽咁以鮑魚生菜大事慶祝劉華仔正日生日, 白賴恩遠行and佢嘅新屋入伙禮，絕對係好事成3!!!

Party 完後，相信大家嘅喜悅同歡樂一定係大到感動埋大自然嘅雀鳥時，阿Sam差啲唔認得自己架車...............



阿Sam仲話為咗今晚盛大嘅Party, 佢特登洗乾淨架車先出嚟wet架..... Poor Sam!!!

唔緊要啦！最多下次打牌預埋你!

請為彭生祈禱

以下是一則由NewSoHo 在四月十九日電郵傳來的待禱事項：

Dear All,
Please pray hard for Mr Pang who has been admitted to Royal Free Hospital. He & his wife just came back from Hong Kong. He hurt his leg slightly on Thursday 12th April but was well enough to make the trip back. On 15th April Sunday evening he felt tired & went to bed early. However his family was unable to wake him and he had been taken to hospital the doctor cannot arouse him either.

Susan Kwok visited him again to-day (18th April). His temperature has come down & he showed expressions once or twice. The doctor thinks it is bacterial infection of the brain & is giving him antibiotics. But he is still very serious & has not woken up. The whole church should pray hard for him.

Let us ask God for mercy & cure.
Chinese Church in London – New Soho Congregation

親愛的天父，知道彭伯伯佢身體好唔舒服。我問過幾個弟兄姐妹，佢哋都話彭伯伯還在昏迷當中，病情暫時還未有什麼好轉。

天父啊！ 復活在祢，生命也在祢。祢為咗身為罪人嘅我哋，捨棄一切，叫我哋嘅靈魂可以得救。神啊！多謝祢犧牲的愛，好叫我哋也可以在永恆中與祢有份。

父神啊，求祢憐憫彭伯伯，求祢大有醫治能力嘅恩手臨在彭伯伯身上。我唔知道彭伯伯幾時會醒番，但若果彭伯伯嘅身體感到疼痛，求神祢可以幫忙減輕佢嘅痛苦；若彭伯伯感到孤單，求祢嘅靈常陪伴他左右。我也懇求神祢安慰嘅話語同屬天嘅平安臨在彭伯伯嘅家人。神祢話過，憂傷懊悔的心，祢必不輕看。神啊，求祢在這難關上，堅固彭伯伯家人對祢嘅信心，深信在祢裡面沒有咒詛，只有祝福。

求主垂聽我嘅禱告。奉主耶穌基督得勝嘅名祈求， 阿門。

BaBy 改名狂想曲

每次返church, 有一個弟兄，每次佢嘅出現，輕微嘅話會令人心跳加速，頭暈得一陳陣；嚴重嘅會令人尖叫，手腳不能自控！需然絕大陪份中招嘅都係以女性為主，但據知連80-90年代巨星如萬子哥都難逃一刦！而唯一嘅治癒方法除了立即'嗡' 埋去，向佢下跪，然後講出以下是但一句如，'你好靚仔呀！' or '你真係好得意呀！' etc.... etc... 之外，別無他法！佢係邊個？Da la! 咪就係馬尾哥同蘇珊娜嘅愛情結晶品，Baby Christian 小允祈啦！

記得我同劉華仔未搬之前，小允祈都仲未出世。馬尾哥同蘇珊娜來我家嘅次數密到我差啲想醒條鑰匙俾佢哋！每次嚟到馬尾哥一定要make sure 我殘舊嘅梳化已經被佢英偉嘅身段坐到凹哂先走得開心。我哋兩對公婆天南地北セ都大笑一餐。其中印像較為深刻嘅係同我哋將來出世嘅BB改名有關。

由於馬尾哥姓袁嘅關係，經過我同劉華審慎嘅考慮下，我哋提供咗从以下嘅個人意見：

Chinese Name: 袁估綠 - 滲入咗絲絲環保嘅意識
English Name: Dum Dur Yuen - 散發着做人處事圓滑成熟嘅態度

但當我哋知道袁生袁太同Baby改嘅中英文名字後，我兩夫婦終於都體會到セ嘢係剛柔並重，集合中西文化嘅和諧協調精神！我兩真的自嘆弗如！

雖然我同劉華仲未有BB, 但熱情嘅馬尾哥同蘇珊娜也一樣為我兩夫婦費盡心機咁諗咗幾個名，要求我哋認真考慮一下。由於劉華話佢鐘意生仔多啲，所以袁生袁太亦體貼地供應多啲BB仔名:

Baby Boy: 劉備
Baby Girl: 劉備娣 (咦......？咁似.....)

Baby Boy: 劉定堅 (咁...係流定堅呢？)
Baby Boy: 劉胡蘇 (.......佢大個咗決定唔留咁使唔使改名？....)
Baby Boy: 劉龍 (雖然睇落單字都幾型，但聽落好似....唔係幾衛生咁.........)

馬尾哥！蘇珊娜！真係辛苦兼麻煩哂喎！咁難諗既都比你哋諗到！好掂呀！幾時得閒再上嚟食飯呀？

各位弟兄姐妹, 若果天父真係允許我有BB+有時間+勁無聊嘅話，我到時或者整番個網上民意調查，睇下你哋又有無啲更型+正+勁嘅BB名啦！哈哈哈！

PS: 特別鳴謝馬尾哥珍藏嘅沙龍！

立即執行大行動！！！

大件事！大件事！

我哋S.O.C.出咗名文質涁涁，斯斯文文，絕對係有公子模範嘅Benson弟兄，將會用行動嚟為建堂籌款出心出力，正式决定參加將於五日五日(星期六)舉行由W.M.C.步行至甘霖堂(U.R.C.)嘅步行籌款活動！路線長約9英里！無錯！係9英里呀！

跟據車神勁靚女嘅準確估計，就算以佢個手咁棘嘅車都要大概揸45分鐘！無錯！要揸45分鐘呀！

如果正在讀緊呢個Blog嘅你，都好似我咁，雖然睇落都可以為physical賣健身廣告，但其實physically又掙少少嘅話，唔緊要！你只需要响下次返教會時跟着以下嘅suggestion做就very good 架啦：

Step 1) 立即去塭Benson弟兄
Step 2) 見到面後用雙手大力踏實佢膊頭
Step 3) 同佢講以下說話，' 好兄弟！做得好！我撑你！'
Step 4) 諗都唔諗，亦千祈唔好諗，立即打開何包，將所有銀兩晨沙全盤托出！
Step 5) Mission Completed!

又或者你可以先响呢個blog度留言，講出你支持嘅說話同sponsor 嘅銀兩數目，Benson 弟兄就可以mark 低遲啲塭返你都得！

而各位海外嘅弟兄姐妹，我哋亦非常需要你哋嘅待禱支持架！

總之一句講哂：建堂籌款，你我有責！立即執行大行動！

感激！感人！感嘆！感動！

首先，我要誠心誠意咁多謝各方好友、五湖四海嘅弟兄姐妹，俾我勁大量嘅支持同鼓勵！實在感激！

終合多方面嘅回應後，可以話有好多弟兄姐妹都好look forward to 我嘅next blog，實在感人！

而更有絕大部分嘅弟兄 - 無錯, 主要係弟兄 - 都唔係好相信我都會坐定定响電腦面前寫blog，實在令人感嘆！

而更加估唔到嘅係你 - 無錯，唔好兩頭望，我係講緊你呀！- 竟然會返嚟呢個blog度讀緊呢個message, 實在令人感動！

各位，你哋實在令我感到... 感到....好温暖呀！！！

Irene Lau-Lau-Lau小小Blog開張啦

為了承接LaylayOn's Diary 的其中一個宗旨 - Keep in touch 的目的, 懶惰如我嘗試start 一個Blog ，希望籍此能和回流香港的S.O.C. 眾弟兄姐妹互相交流鼓勵。還請大家多多包涵！因為本人的中文只有超初中程度。絕對不能和LaylayOn比美！請大家多多指教！

今曰鄧牧師來分享講道，我覺得好正！題目係'盼望之舞'。聽完鄧牧師篇道我覺得做基督徒嘅我哋真係好幸運。因為同神一齊打人生嘅扙係未開始前就已經知道將會係一場必勝嘅扙！所以就算我哋仲未打完，都可以先慶祝，跳住舞先！最開心嘅係知道依家我哋籍住神所賜嘅恩賜而作的工，將來回天家後都可以繼續。我立即同Esther 說~

我 : 咁幾好喎！我咁鐘意唱歌將來又係日日夜夜咁唱！
Esther: 係囉！ (好興奮咁答)
我 : 咁你煮嘢食咁叻，你上到去會唔會日煮夜煮架？！
Esther: ..............

Esther! 唔係個個都有呢個好得無比嘅恩賜架！如果上到去都有得煮嘢食我一定會係你第一個捧場客！

同一番說話但同老公講~

我: 老公！真係開心啦！上到去天堂我又係一樣日唱夜唱！
Rod (幾擔心): 吓？咁我上到去仲有無得做番P.A. 架？
我: ..............好似無P.A.噃...........上面...............
Rod: .......................

唔緊要啦老公！你平時咁受小朋友歡迎，你上到去或者試下做Sunday School 啦！但希望到時啲小朋友會稱呼你做 'Uncle Rod', 唔係Baby Christian 叫緊你嘅'Uncle Naughty' 啦！(多謝Susanna 嘅分享！！！)

最後，麻煩大家小小待禱事項：大埔劉華同阿樂都身體抱姜- 劉華仔大感冒，阿樂就作發燒... 唔該哂各位弟兄姐妹喎！