給A小姐的回信

親愛的A小姐，

非常多謝你的e-貓！做媽媽嘅你一定好安慰。有個又乖，又勤力，又考順嘅女兒，絕對係做父母嘅你嘅一大驕傲！

得知你最近嘗試返咗一次教會，我同老公都為此感到興奮同感恩。我知道星期日對香港人嚟講都係超重要嘅一日。就算唔行街shopping，留係屋企抖吓唔好過？！但somehow你內心有一絲絲說不出嘅感動，而最正嘅係你無俾呢小小嘅感動就咁就消失。你選擇咗去教會。就算明知嗰度唔識人，地方又陌生，但係你都要試一試，去認識一吓我個blog度經常提起嘅神係セ水。

你話你覺得做基督徒嘅我哋好開心，睇呢個世界セ嘢都好似好啲同靚啲。你講得一啲都無錯！皆因 神 造 萬 物 、 各 按 其 時， 成 為 美 好 ． 又 將 永 生 安 置 在 世 人 心 裡 ． (傳道書3:11)。世上無セ嘢比得上神嘅愛同埋佢賜比信佢嘅人永生嘅盼望。當你諗起你有個樣樣都會照顧週到，又超級愛你嘅天父時，你就會變得凡事都會獻上感恩：就連最差嘅天氣，你都會揾到佢美麗嘅地方。

當然，做咗基督徒之後我嘅生活都唔係一帆風順。同未信嘅人一樣，生活有起有跌。

我响Mauritius度讀中學時信主。有個好好嘅教會，弟兄姐妹相處容洽；我係教會度有好多好正嘅事奉，信仰生活都幾寫意。但家庭生活卻唔太理想...

有一日預備考A-level温書時，我父母吵鬧得好厲害。因為爸爸出現第三者嘅關係，我哋一家好似散哂咁。嗰段時間無論係媽媽，或係我哋三姐弟，都流咗好多眼淚。我不斷問神，點解會發生呢啲事，點解爸爸會寧願揀嗰個女人都唔選擇佢嘅家庭，點解...點解....但天父卻依然沉默。

神嘅沉默，令我以為佢唔再愛我。雖然我仍然繼續番教會，但我身體坐响church度，靈魂卻在反叛漂浮。我變得好怕返屋企，因為我好怨恨我爸爸，亦好怕見到我媽媽身心交瘁嘅樣子。我變得好麻目，淨係想逃避。因此明知我媽媽係唔夠錢供我到外國讀書，我都強迫佢放我走。

去到美國，我過住啲好孤僻嘅生活。我努力讀書，但其它一切我都置之不顧。我性格大變，我同自己講，淨係做應該要做嘅嘢就足夠。我唔好識咁多朋友，因為我唔想講太多自己嘅嘢。我無返教會，好刻意咁同神保持住距離，因為我覺得佢完全地孤負咗我。

好巧妙咁我認識咗阿Rod。交談時大家都有提及到宗教信仰，當時嘅佢對信仰觀念好糢糊。於是我慢慢咁以我所認識嘅同佢分享。當我以為佢唔會想繼續係呢個topic度傾落去時，我估唔到福音嘅種子已經散落咗响佢心底處。發展落去係明明我唔想講，唔想分享，唔想返教會，阿Rod都會鼓勵我繼續落去。天父响我人生嘅低谷處用愛去扶起我。响我最孤單無助嘅時候，佢賜與我依家嘅老公，作為我白頭偕老嘅終身伴侶。

天父認為漂撲嘅生活唔再適合我，佢帶領我由美國返到香港工作，再移居英國安定落嚟。我從未諗到神會賜與我一份office嘅工作，同埋咁正嘅SOC教會。佢從來都無離棄過我同我家：大細佬响新加坡大學畢業，最近仲結埋婚；細細佬考取到獎學金，有幸可以嚟英國深造，依家讀緊Year 2；而媽媽係幾年前都信埋主。雖然佢內心嘅傷可能永遠都不能完全被醫治，但佢學識咗點樣將一切都交托比主，因為神係好願意去擔起我哋背負唔起嘅傷痛。神 所 要 的 祭 、 就 是 憂 傷 的 靈 ．神 阿 、 憂 傷 痛 悔 的 心 、 你 必 不 輕 看 。 (詩篇51:17)

基督徒要經歷嘅苦難，同非基督徒嘅人並無セ嘢唔同。唔同嘅係我哋唔需要一個人孤單咁靠自己有限同微小嘅力量去面對。耶 和 華 是 我 的 力 量 、 我 的 詩 歌 、 也 成 了 我 的 拯 救 ． 這 是 我 的 神 、 我 要 讚 美 他 、 是 我 父 親 的 神 、 我 要 尊 崇 他 。 (出埃及記15:2)；但 我 要 歌 頌 你 的 力 量 、 早 晨 要 高 唱 你 的 慈 愛 ． 因 為 你 作 過 我 的 高 臺 ． 在 我 急 難 的 日 子 、 作 過 我 的 避 難 所 。 (詩篇59:16)。我同埋好多好多信神嘅基督徒一樣，我 靠 著 那 加 給 我 力 量 的 、 凡 事 都 能 作 。 (腓立比書4:13)

親愛嘅A小姐，我同阿Rod會為你祈禱。希望有一日你都會同我哋一樣，去親身經歷到主耶穌佢豐盛無限嘅慈愛！

敬祝 主恩滿溢！恩典常隨！

主內，
Irene上

突破殘酷星期一！

星期一，對於好多打工仔嚟講，係幾痛苦嘅一日。

有一個弟兄，無論禮拜曰夜睌個餐幾正都好，一到九點鐘左右，佢個樣就突然巨變，變得'苦過弟弟'！皆因生理嘅時鐘，強迫地令佢諗起假期將近結束，又要等足五日先有得抖嘅殘酷現實....通常呢個moment都會無セ人去安慰佢，因為各人都响度等緊其它人嚟安慰番自己....

剛過去嘅星期一，絕對係人生衆多個殘酷星期一嘅一個極大嘅突破！點解？皆因我同老公响倫敦生活咁耐，繼我媽咪之後，竟然有兩個靚女天使，係我哋未番到屋企之前，已經施展咗渾身解數，演出咗'美女廚房'嘅專業版，預備咗極度美味嘅晚餐嚟歡迎我哋歸家！四菜一湯 + 精美甜品 + 超低能、勁搞笑嘅笑話 + 真誠嘅靈裡分享，喂喂，呢啲星期一真係可遇不司求架！

Dear Esther & Yvonne, 六個字講哂: 感激！感動！感恩！無限歡迎你哋隨時再係我屋企度玩煮飯仔！實在係太正喇！！！

你睇我望住佢哋笑得幾開心！

Yvonne起菜lu...好嘢！

好菜到要開支酒慢慢'搭'真啲！

各位觀眾：The Fantastic 4 !

遙遠的他+她，一定要再歸家！

Dear Terry & Sammie,

上個星期三，你哋終於都走咗lu...我同大埔劉華有好多好多嘅唔捨得。

有啲朋友，見面時總係一句起，兩句止：一係就唔知講セ嘢好，一係就覺得同對方嘅交情尚未夠深，因此傾計時就總係衝破唔到，'你好嗎？幾好啦！食飯未？食咗喇！'嘅匡匡裡；當然，有啲更sad嘅，就係最好遇唔到。又或者係就算知道對方就係附近，但總會時運高，我睇你唔到，我係都睇你唔到....因為連應酬對方都費事哂心機。

非常感謝神，你同Sammie, 仲有Polly & Antony, Ken & Lilian, Leslie & Brian, 都係一班我哋好珍惜嘅主內弟兄姐妹。我哋每次相聚時，時間總係飛咁快過。要一齊enjoy嘅fun, 分享嘅事，開嘅玩笑，總係好似永遠都講唔完，做唔哂咁！

距離遠咗，要keep in touch係一件幾難嘅事。好彩我哋係基督徒，可以用祈禱代替思念。願神祝福你哋，早日適應新生活！身體健健康康！同埋快啲番嚟探我哋呀!

建築師的見觸思

剛過去嘅星期一睌，車神勁靚女帶咗我同老公去遊Costco同Ikea。願本個trip嘅目的係去買鞋，點知到最後鞋就買唔到，老公就狂掃咗一大堆唔太等駛嘅嘢返屋企！

雖然係我對上嗰個blog我先讚咗我老公shopping嘅態度良好，點知去到Costco同Ikea嘅佢簡直就好似變身成為另一個人！佢樣樣都話要買，好似唔使錢咁！雖然有啲嘢我都說服到佢唔好買，但係好不幸地佢硬係要買一大束草型物體嚟replace我原本啲花.....插好咗後我就覺得好有'綠柴'嘅感覺，而佢就話好contemporary....唉！難度啲建築師嘅審美眼光真係唔同啲？！

靚定唔靚，你話喇！

係呢度想特別鳴謝Esther嘅無限愛心！令平時沉悶平凡嘅星期一晚生色不少！下次一齊再去過呀！

一件温馨的小擺設

我同老公都好喜歡行家品店。

仲未搬屋之前，我哋住响一個studio flat度。最初都幾enjoy，因為終於都有我哋自己嘅小天地。但係當越住越耐後，買嘅嘢又越嚟越多，居住環境仿彿越住越狹窄。之後就算見到啲好正嘅家居精品都唔敢買，因為怕頭痛唔知擺邊度好。

直至搬到依家住緊嘅屋企，雖然地方比好多朋友嘅家都較細，但係對我同老公嚟講，卻係一個夢寐以求嘅温暖窩。阿Rod時時都舉行一啲'家居改善工程'，務求令屋企更加有聲有色。放假時雖然佢千萬個唔願意，但見到我清潔屋企時佢都會幾主動嚟幫我手。好似今日咁，雖然佢個肚仔好唔舒服，但佢都盡力咁幫我，我真係好touch架。

我哋住緊嘅家每一個角落都用咗好多心機去堆砌而成。買傢俬或擺設時都會先問吓對方嘅意見，要兩個人都鐘意喇先買。如果買咗之後會令令一半唔多歡喜嘅話，咁就只可以擺响自己間書房度，唔會擺响客廳度，費事令對方唔開心。不過呢啲情況都好少發生。

今日晏晝我哋係屋企附近行街食brunch，照慣例行吓我哋兩個都好鐘意嘅基督教書店。老公好興奮咁發現咗一個小擺設，立即叫我過去睇吓。我望住件精品，又望一望我老公，跟住我忍唔住發出回心嘅微笑。

'都幾貴喎。' 我微笑說。

'唔緊要，你鐘唔鍾意呀？你鐘意我就買喇。' 老公回答。

老公，我梗係鐘意喇。因為呢個小擺設所散發出嘅甜蜜同温馨真係好襯我哋屋企架。

True Love

越講越好聽的祝福

上個星期日完咗崇拜後，最初我並無打算join Praise Team 或派單張。到最後我又跟埋Yvonne一齊去唐人街派埋一份。

當我生活係香港嘅時候，我對派傳單嘅人唔係太有好感：一來傳單上嘅產品通常都唔啱我，二來唔環保，三來啲人收到後又隨處掉，搞到通街都係垃圾，一啲都唔衛生。值至有一日我奶奶話俾我聽，佢識得有個阿姐做派傳單嘅，大熱天時我哋就行公司嘆冷氣，佢就係度續張續張紙响太陽底下派。每一張先賺得個幾毫子。我奶奶至從知道咗之後，雖然啲傳單佢收到咗行遠幾步後佢都係丟掉，但係佢就再無左閃右避，或用討厭麻煩嘅眼神對待啲派單張嘅人，連我都俾佢感染埋。

講到尾，佢哋同我都係一樣，都係响度打份工啫。我有幸可以响冷氣房度打電腦靠支筆揾食，絕對唔等如我比派傳單嘅人高級啲，因此可以睇小或唔尊重佢哋。天父一定唔會允許我咁做。

話說回頭，禮拜曰我終於鼓起勇氣去派單張，我覺得好榮幸同好開心。最初我係有啲膽怯，但感謝神，Praise Team嘅歌聲對我有如強心針一樣，當我感到有啲怯怯地嘅時候，回眸一看，一見到Praise Team响度戴歌載舞時，我真係當正班弟兄姐妹係我嘅啦啦隊！於是我一路派，一路唱，而識我嘅弟兄姐妹都知我一唱歌時個樣就好好笑容！我一路派，一路講，'God bless you! Have a nice day!' '神祝福你！' '神祝福你呀！'......... 我越派越順，越講自己就越鐘意聽到'神祝福你'呢幾個字！當然當中唔係個個人都接我嘅單張，但每當有人唔要時，我個心就會同天父講, '你唔要無所謂！但天父同我對你嘅祝福真係真心架！'

開心同心為主作工，影番張相留念吓先！

呢次亦係Terry & Sammie返港前最後一次參與Praise Team，Dear Terry & Sammie, 願神祝福你哋回港後嘅新生活呀！

神 沒 有 咒 詛 的 、 我 焉 能 咒 詛 、 耶 和 華 沒 有 怒 罵 的 、 我 焉 能 怒 罵 。 (民數記23:8)

我 奉 命 祝 福 、 神 也 曾 賜 福 、 此 事 我 不 能 翻 轉 。 (民數記23:30)

願神祝福睇緊我個blog嘅你呀！

不是名師的大作

上個星期日因為Hayley嘅原固，我join埋佢一齊參與Sunday School嘅worship。原本打算worship完唱埋歌就上番去聽道，點知Sunday School嘅worship完後，竟然有啲咁正嘅集體遊戲，以我幾爛玩嘅性格，我又同自己講玩完就返上去聽道。到最後我竟然不經不覺又矇矇茶茶咁混埋响啲大細路堆度，一齊查埋經添！
我join咗Adrian個組度。當日Adrian要我哋用observation同理解能力，用圖畫去表達以下嘅詩篇。

詩篇1:1-6

1:1 不 從 惡 人 的 計 謀 、 不 站 罪 人 的 道 路 、 不 坐 褻 慢 人 的 座 位 、
1:2 惟 喜 愛 耶 和 華 的 律 法 、 晝 夜 思 想 、 這 人 便 為 有 福 。
1:3 他 要 像 一 棵 樹 栽 在 溪 水 旁 、 按 時 候 結 果 子 、 葉 子 也 不 枯 乾 ． 凡 他 所 作 的 、 盡 都 順 利 。
1:4 惡 人 並 不 是 這 樣 、 乃 像 糠 秕 被 風 吹 散 。
1:5 因 此 當 審 判 的 時 候 、 惡 人 必 站 立 不 住 ． 罪 人 在 義 人 的 會 中 、 也 是 如 此 。
1:6 因 為 耶 和 華 知 道 義 人 的 道 路 ． 惡 人 的 道 路 、 卻 必 滅 亡 。

無獨有偶我同Adrian都用兩幅圖嚟表達。

Irene 小作

我將呢六節詩分拆成兩部份。响詩篇1:1-3節我畫咗一個人靠住一棵種响溪水旁嘅大樹，好開心咁响度讀緊聖經。呢棵樹係一棵被神祝福嘅樹。係同一棵樹上結出咗好多唔同嘅果子：聖 靈 所 結 的 果 子 、 就 是 仁 愛 、 喜 樂 、 和 平 、 忍 耐 、 恩 慈 、 良 善 、 信 實 、 溫 柔 、 節 制 ． (加5:22-23)。天氣睛朗，風和日麗，有啲小小肥嘅小鳥係度唱歌。呢個人嘅前面只有一條路，目的地同方向亦只有一個 - 就係基督十架嘅路。佢好清楚自己會去邊度，所行嘅每一步亦會用喜樂，平安同信心，與神一起步行。

反之下半部詩篇1:3-6，我畫咗一個人係一個荒野處，嗰度寸草不生，連啲樹都光禿禿。十架救恩嘅路彷似在旁，但佢睇唔到。係佢面前雖然好似有好多條路，有好多選擇，但佢卻感到好迷網 - 你睇吓我畫佢係度'0'哂嘴架！

Adrian 大作

Adrian嗰幅畫嘅concept同我嗰幅都相當接近。右手邊信主嗰位哥哥仔好開心咁倚靠住一棵大樹旁日夜唱歌 - Adrian 畫埋太陽同月亮話代表日同夜喎。呢棵樹不但有好多果子，佢嘅根部深入泥土，堅定不移。棵樹種响清澈嘅溪水旁，小魚兒好開心咁游嚟游去，連天使(無錯，佢真係話嗰一個係天使，我都曾經已為嗰隻係烏蠅)亦充滿喜樂咁翩翩起舞。

左手面幅畫就代表一個無希望嘅人(係，我已經問清楚圖中嗰隻唔係死曱甴)，生活孤獨荒涼，整個人生都活在黑暗同絕望中。

好多謝大朋友Adrian同各位小朋友嘅分享！

天父啊！願祢祝福同教導我，叫我喜愛祢嘅律法、晝夜思想、做一個有福嘅小女兒！

PS:特別鳴謝Adrian貢獻其大作！

一次接待小孩子嘅經歷

人生到咗某個階段，總會出現一啲問題，隨非你已經將佢處理掉，如果唔係呢啲問題總係揮之不去。

好似細個時媽咪會成日問我‘幾時先識大？’，到大啲讀書後大家就轉問我‘幾時畢業？’‘幾時出嚟做嘢？’‘幾時拍拖？’‘幾時結婚？’終於都過五關，軋六將，到今日終於都俾人問‘幾時生BB？’，仲一問問咗幾年添。

我有兩個細佬，本人係大家姐。係屋企細個時已經有照顧BB嘅經驗。記憶中好忙，有好多好難嘅嘢做，責任實在太大喇！搞到好怕小朋友，亦無諗過要生番個。

係好巧妙嘅情況之下，我同老公做咗一個小朋友嘅guardian。

小朋友Hayley最近放term break，放九日假。最初我有啲擔心，因為我同老公日抖要番工，夜睌有時又要夜返，Hayley一個人响屋企搞唔搞得掂架？幸好十三歲嘅佢年紀輕輕，卻十分憧事。我每睌煮飯時會煮多少少作為佢第二日嘅午餐，早餐佢自已食啲簡單嘅嘢。Hayley知道放完假後就考試在即，日間佢自動自覺温習功課，夜睌佢會幫我一齊煮飯。我哋一齊彈琴，打機同睇電視，每一睌相聚嘅時間都格外甜蜜温馨。

同Hayley一齊生活令我對小朋友嘅睇法改變咗。第一次同年紀咁細嘅一齊生活，當我哋以為會好麻煩同大責任時，到最後其實有好多嘅時間我同阿Rod都係响度享受緊佢嘅company：佢對事物嘅睇法，佢嘅感受，鐘意同唔鐘意嘅原因，往往都好amaze我。雖然大人嘅睇法係成熟同理性啲，但有時候相比之下，小朋友思想嘅眶哐卻廣大瞭闊好多 。

响馬太福音裡面話，耶 穌 便 叫 一 個 小 孩 子 來 、 使 他 站 在 他 們 當 中 、說 、 我 實 在 告 訴 你 們 、 你 們 若 不 回 轉 、 變 成 小 孩 子 的 樣 式 、 斷 不 得 進 天 國 。所 以 凡 自 己 謙 卑 像 這 小 孩 子 的 、 他 在 天 國 裡 就 是 最 大 的 。凡 為 我 的 名 、 接 待 一 個 像 這 小 孩 子 的 、 就 是 接 待 我 。(18:2-5)

我同老公好感謝天父，賜與我倆機會學習點樣去接待小朋友。感謝神祢改變咗我對照顧小孩嘅想法，雖然係責任重大，但我相信若我倆能'謙 卑 像 這 小 孩 子 的’，天父祢必會加給我哋力量同智慧，教導我同老公一齊去扶助我哋未來小天使嘅成長。

一齊去pub度食飯

食完飯去鴨仔湖度散心

一齊去St Paul食日本嘢

幾正架！

Millennium Bridge

Notting Hill 行街Shopping

At SOC Church: Baby Christian birthday celebration, Hayley向Esther姐姐學師！

睇吓個蛋糕幾靚！！！

一班Cheeky Monkies!

順帶講聲: HAPPY BIRTHDAY BABY CHRISTIAN!!! YEAH!

Dear Symond & Anissa

我諗此刻你哋應該返到澳洲啦！Ｈome sweet home!

真係唔好意思，答應咗話寫個blog俾你哋，要到今日先有時間。我諗你哋返到屋企後都有好多嘢要執要整理。Dear Anissa，你要小心身體呀！長命工夫長命做。休息要緊！

詢眾要求下＋揾咗好耐後我終於揾到我哋一齊玩嘅相片。睇番時令我同阿Rod更加掛念你哋。我好感謝神，每次我哋一齊嘅時候我哋往往都係笑到飛起！生命中並唔係經常遇到啲朋友一見面就充滿喜樂，因此格外感恩。

如Anissa你响email內所寫，我同阿Rod將會好掛住同你哋一齊去旅行嘅時間（一齊去New Forest），一齊去Biscester Village shopping，一齊去鳳凰閣飲荼，唱K，一齊傾計同祈禱．．．.你哋對人真誠熱心，朋友有難時盡心盡力嘅幫忙 -　當阿Rod隻腳受傷時你哋, Alex同Terry 車我哋呢度去嗰度去，我哋兩個都滿心感激！

New Forest trip sightseeing!

一齊响Patisserie Valerie度hightea (後面嘅Sammie同Angela都係大埔劉華Photoshop嘅傑作！Copy & paste上去架！！！)

一齊响我哋嘅寒舍內食媽咪煮嘅好餸！

雖然唔知道幾時會再見面，但好好彩我哋响主內永遠都係一家人！願神祝福你哋同埋BB，好快就適應澳洲嘅新生活！願主嘅愛，喜樂同平安時時都充滿你家，Anissa & BB健健康康，Symond龍精虎猛－既幫Anissa洗衫煮飯，又同BB沖涼換片，新任老豆，加油呀！