感恩細數

親愛的天父,

我今晚就開始入院代產了。

陀着劉B的一路上，感謝袮一路體貼地保守、看顧、幫助和帶領。Rod和我的人生中也遇過很多大大小小的風浪，也經歷過多次袮適時的供應。但若比較起這10個月來我倆所面對的經歷，所接受的幫助，這10個月也着實叫我倆對袮的愛、 袮的恩典、家人無私的擺上、弟兄姊妹的扶持和鼓勵等…帶有更深一層的感受。

由於我在這懷孕期都沒有工作的原固，我一直都憂心着經濟方面的安排。以前沒有懷孕時，隨便吃個即食麵求求其其就一餐；有了劉B後再也不能隨便地對代自己的身體…當然不少得大量林林種種、聽過與未聽過的嬰兒用品等…真估不到BB仔小小的一件衣裳，就那麼少的布料，價錢竟然還貴過很多我們大人的衣服！BB小小的一張床，價錢就絕對貴過我們成人的大床了…想着想着，真的擔心如何好好地去打理這頭家、好好地去照料劉B。老公和我便開始為這一切禱告，求主幫助、供應所需用的去迎接BB的來臨。

媽媽知道我懷孕後，買了很多我自己都不捨得買的貴價嬰兒用品給外孫。BB姑媽說她連價錢也沒有多看，只想買下最好的給baby。哇…感動！

奶奶知道我懷孕後，便寄給我超多的物資和補品給我坐月用。雖然到最後媽媽和奶奶都不能前來幫忙，但她們的一片心意已叫我和老公既感激又感動。

當中的教會弟兄姊妹一知道我懷孕後，無論是那些熟悉的、或不常聯繫的；無論我有去尋求幫助的、或是透過人傳人而知的，都陸陸續續地與我倆聯絡，問我們有了這樣那樣沒有… 還有像排山倒海的關懷、見意、忠告、代禱等…由最初的第一袋嬰兒衣服，到昂貴的BB車、BB床、car seat、BB椅子等，就算沒有見面達兩年有多依然愛心熱情地款待…  有了物資，但又如何帶回家呢？教會的一對相識超過10年的夫婦在我倆開口求助之前，便對我說, 'Don't worry, I will make sure your baby has a bed to sleep.' 來回差不多達3個多小時的車程，都是歡歡喜喜的，一句怨言都沒有。

當中也有一對夫婦，特別租了車輛來將一箱箱的baby衣服送來我家；我家的好鄰居不但送了很多baby產品外，也一而再地說BB一作動，不論什麼時間，只要他們在家都一定會送我倆到醫院去…不惜將自己的興趣和休息時間都放下，為着我有舒適的車程到醫院去…多謝你們！

住在附近的、有經驗照顧BB和孕婦的弟兄姊妹，當得知我倆的家人都不能來相助後，在我倆還未開口求助前便已經開始私下相討如何輪流來我家照顧坐月子的我和BB; 當我倆一開口後的第二天，他們便浩浩蕩蕩地帶着potatoes peeler, 我害怕多時又唔係咁識煮既薑醋，被他們幾下手腳完成了。

也有一個姊妹，她生下BB的第二日，人還在醫院裡時便打電話給我鼓勵和打氣，告訴我事情並不儘是痛苦到頂唔順…當她知道我的家人無法前來幫忙後，就在她坐月的第三個星期時就邀請我和老公去她的家學習如何幫BB沖涼、換片和種種應注意的事項。這次是我倆第一次有真BB去學習，我和老公真的找不到合適的話來感謝這位姊妹對我倆的體貼與關懷。

當中也有些較為年輕的姐妹，雖然沒有照顧BB和孕婦的經驗，但都主動的願意提出幫忙來我家煮飯清潔，好讓我有多一些時間休息…

還有數之不儘的BB禮物、衣裳、短訊、祈禱、愛和問候…全都是因為主的愛而施于。

老公和我當初都很猶豫，應該找誰來幫忙、幫忙些什麼好呢？畢竟我倆都覺得好odd, 請人家來我家煮飯給我吃instead of the opposite... 還有…家裡可能是亂七八糟，自己坐月又暫時不能沖涼洗頭…我倆又實在不習慣又不知如何開口去請弟兄姊妹去做自己家的家頭細務…真的有很多心理關口不知如何去跨過…人地未介意前自己已經先介意咁…

經過這最後一個月的衝刺，老公和我都雙雙都領略了一個很謙卑的教訓 – 如何坦承地去承認自己的不足，放下自己的自尊，打開自己，用感恩的心去接受從上帝而來的每一個幫助，每一項恩典。沒錯，我倆是可以頂硬上，不求幫助下去面對這個困難。但這又是否是神的心意？當中自己所堅持的態度又代表些什麼？這又是否對我家每一個人的身心靈成長為之最理想？我不是那種沒有請人家幫助的人，只是當那些幫助是如此的貼身時，突然間好像多了很多避忌，很多猶豫…好像很害怕一下子讓人見到自己最軟弱無助的一面。

感謝神，我被一位弟兄重重地提醒了：

又 要 彼 此 相 顧 、 激 發 愛 心 、 勉 勵 行 善 。(希 伯 來 書10:24)

所 以 在 基 督 裡 若 有 甚 麼 勸 勉 、 愛 心 有 甚 麼 安 慰 、 聖 靈 有 甚 麼 交 通 、 心 中 有 甚 麼 慈 悲 憐 憫 、你 們 就 要 意 念 相 同 、 愛 心 相 同 、 有 一 樣 的 心 思 、 有 一 樣 的 意 念 、 使 我 的 喜 樂 可 以 滿 足 .... 只 要 存 心 謙 卑 、 各 人 看 別 人 比 自 己 強 。各 人 不 要 單 顧 自 己 的 事 、 也 要 顧 別 人 的 事 。你 們 當 以 基 督 耶 穌 的 心 為 心 。(腓 立 比 書2:1-5)

在這經歷裡，我學習了什麼叫作「心存謙卑」、 「各 人 看 別 人 比 自 己 強」，也學習到什麼叫作「以 基 督 耶 穌 的 心 為 心 」– 就是「各 人 不 要 單 顧 自 己 的 事 、 也 要 顧 別 人 的 事 。」。在主裡承認自己的軟弱和不足並不是弱者的表現，反而是勇敢和討神喜悅的事。

我親愛的劉Ｂ, 請記住你的出現、你的誕生全因為基督對你，對我家的愛。在你還在我的母腹中時，上帝、家人和教會已經愛你、接受你和擁抱着你。若沒有這些種種的愛心、勸勉、恩慈和憐憫，爸爸和媽媽也不能輕鬆地，滿有信心和盼望地，去迎接你的來臨。

多謝袮，我親愛的天父。袮所施于和安排的，實在是最好最完美！

滿心感恩的女兒敬上

God is crazy about me!

今日在God's Minute收到的情信...看後我整天都不能停止自己的會心微笑....

天父啊！你真浪漫呢！

To you, Irene ,

If God had a refrigerator, your picture would be on it.

If He had a wallet, your photo would be in it.

He sends you flowers every spring.

He sends you a sunrise every morning.

Whenever you want to talk, He listens.

He can live anywhere in the Universe, but He chose your heart.

Now God didn't promise days without pain, laughter without sorrow, sun without rain.

But He did promise strength for the day, comfort for the tears, and light for the way.

So face it Irene , He is crazy about you!

天父啊! 你真好!!! I love You too!!!

A Second Chance!

My Best Christmas Presence from God 2009!

Google chat with Rod, on the 16th December 09:

Me: You know I didn't complete the exam paper rite
Me: Donna just gave me a call, said the exam paper is all corrected. I ask did I fail, she said I pass, but didn't complete the last question. I said coz I didn't finish it on time. She said the teacher knew, so now would like to give me another chance to complete it. I said WOWOWOOOW!!!!
Rod: What, from home?
Me: Yes ah. Donna will scan me the exam paper, I complete it at home, scan her back
Rod: Lucky
Me: Donna said the teacher already gave me marks based on my ability. so it won't affect my final score anyway, but the condition is, I need to complete the last question. I asked Donna how come, she said our teacher is very special gar. He only wants his student to archieve n succeed. I m so touched. Coz to me he is a very straight teacher with super high standard.


Me: I hv submitted my exam paper lu. SO HAPPY!! This is the best Christmas presence from God ever!!!
Rod: yup
Me: I hv got 80 分ah! can u believe it?!?!?!?!?!? I thought I am gonna get like ard 50 分 = )))))
Rod: Don't believe it but well done u
Me: I got improved! Last time only 77分 HAHHAHAHAHA!!!!
Me: I can't believe it... it was so difficult.. I was so sick, I truely gave everything I hv got to God.. sounded like X-factor !!!
Rod: Its the climb
Me: AMEN!!!!

永恆春天的心

很久沒有寫blog了。由對上一次到現在，差不多有整整一年。

這段時間比較特別發生的事包括我成功讀成了一張HR certificate，最興奮的事有我和老公分別去了Breakthrough Weekend，身心靈都像是脫胎換骨一樣；跟着還有我突然身癢走去剪了那把跟足我差不多七年的長髮，換了一個'小丸子'頭。

還有我的三＋一歲生日。

過去兩年的生曰我並沒有感到格外興奮開心。小孩子時十分盼望快高長大，主要是希望能快些財政獨立和可以穿上成年人的衣着打扮。到我二十二歲開始打工，對三十歲的感覺還是離我有千丈遠。那時的我對化妝品，衣着打扮，名牌手袋都可算是一絲不苟。可能是在兒時擁有不多，記得有一年回家鄉探親，特別在出發之前買了一個LV手袋，心想能在親朋好友面前炫耀一番。怎知道那邊的親戚在那時因為較落後的綠固，跟本就沒太多人認識這牌子。現在想起也覺得可笑和幼稚。

隨着自己慢慢長大，我再也逃避不了三字頭的襲擊。我為此對老公哭訴過，也曾計劃怎樣去哀渡我的三十歲生日。我不明白上帝為何賜與我三十歲的年紀，卻保留我廿歲的'童真' - 我依然喜歡玩，大笑，發白日夢，古靈精怪...天父好像是選擇性地叫我呢一面成熟啲，嗰一面還是十分大細路，實在令我啼笑皆非。

直到我讀到以下的靈命日糧，上帝將我的心結完全解開了：

美國哥倫比亞聖經學院的前任院長羅賓孫‧麥肯金指出，上帝讓我們日益衰老體弱，其中是有祂的目的，這個目的很有智慧。

他說：「我認為上帝安排年輕人擁有的力量和美麗是屬肉體的，而長者的力量和美麗是屬靈的。我們會逐漸失去短暫的力量和美麗，確保我們能專注在永恆的力量和美麗上。因此我們才會渴望離開這短暫漸衰的軀體，而真心思念永恆的家。如果我們一直保持年輕、強壯和美麗，我們將永遠不想離開。」

當我們年輕時，會快樂地享受我們的人際關係和各樣的活動，我們或許不會渴慕屬天的家鄉。但隨著歲月的流逝，我們的家人和朋友可能已不在身旁，同時又不復耳聰目明，無法享受食物，而且有時夜無好眠。

在這裏是我給自己的建議：要感恩，如同使徒保羅在提摩太前書6章17節所寫的：「只要倚靠那厚賜百物給我們享受的上帝。」無論在人生中的夏或秋，或是冬天的來臨，我們也要喜樂，因為我們知道自己將要去的地方有永恆的春天。

這篇文章我讀了很多次。是的，我真的要好好感恩 - 為着我三十一歲身體年輕力壯，無大病痛感恩；為有老公愛錫，暫無小朋友，擁有無限自由感恩；為有良朋知己無數，教會美好事奉感恩；為有疼錫自己的媽媽，兩個好弟弟，愛錫自己如親生女兒和妹妹的老爺奶奶和姑仔們感恩；還有為上帝賜給我和老公温馨的小居所，穩定的工作而感恩。當然此刻的我再不像廿歲時那樣捨得揮霍，但上帝所厚賜的祝福卻是遠勝名牌和物質所能offer的。

現在的我正在人生交叉點上站着，我在想，假若上帝賜給我六十年的壽命，今日我便巳經用了壽命的一半。我可以有以下的選擇:

一、生小孩，繼續打工，做好媽媽，好太太，待仔女大了，再抽取多一點時間事奉神；

二、我願意將我最黄金的時間，好好裝備自己。當時候到了，耶穌對我說，'來 跟 從 我 、 我 要 叫 你 們 得 人 如 得 魚 一 樣 .' 我會像西門和他的兄弟安得烈一樣, '他 們 就 立 刻 捨 了 網 、 跟 從 了 他。'

我在等侍，等侍着選擇二的呼召。

大快樂！

感謝主賜與詩班機會，參與國語堂Outreach事工，事奉六十多位弟兄姐妹和新朋友 ‘快餐部’的工作。

Mable姐妹還稱讚我們有效率呢！大家嘻嘻哈哈一起事奉 – 分別有莊飯組、傳飯組、夾菜組和夾雞組，認真開心！我還創意無限地 (其實是我一時口快快)為快餐部的 ‘同事’改名，將 ‘大快活’跟 ‘大家樂’合併，變成 ‘大快樂’！

其實這也沒有錯呀！事奉神當然是一件大有快樂的事啦！

小小細胞的誕生

上個星期二，我响地鐵站內巧與Jacky。搭咗差唔多五年地鐵返工，第一次遇到熟人，真係好開心。

我同Jacky係途中分享咗好多，從中亦知道國語事工係我哋教會嘅需要有幾大。我唔知道係當中我可以幫到幾多，只祈求神會聆聽我哋嘅祈禱，繼續帶領同保守。

分享當中亦知道Jacky同我和阿Rod一樣，仲未揾到適合嘅cell group去參與。多謝天父賜比我好深刻嘅感動，皆因我同阿Rod都為咗揾cell group都搞咗好一段時間。既然我哋又住得咁近，點解我哋唔自己着手拓展一個呢？

我哋同時亦邀請咗Ada，Terrance & Jaycee一同參與。好開心Ada亦可以join我哋，Terrance & Jaycee要遲啲回覆。無論到最後答覆如何，我同阿Rod知道起碼已經有4個人，可以go ahead lu。

由搬屋嗰日開始，我同阿Rod都好希望所住之處可以被神祝福同榮耀到神。我同阿Rod仲未知道小組嘅帶領形式同埋方向將會係點，但卻深信神所賜與嘅感動，神自己會顯明同帶領。學黄牧師今日証道時講，最緊要係同神保持住親密嘅關係，同埋一顆願意順服嘅心，神嘅旨意必定會清楚話比佢所疼愛嘅兒女聽嘅！

老公，生日快樂。

親愛的老公，

聽日係你嘅生日，雖然我已經係好早之前就同你講定你嘅生日禮物會係啲乜嘢，但我依然想俾你一個小小的驚喜，希望你會鐘意。

由上年十一月到依家，發生咗好多事，當中好壞參半。但當我依家有靜落嚟嘅時間，我滿心感恩。因為在喜樂時，在困境時，無論在低處的，或是高處的，都常有主與你一起同伴經過。

2007年11月，highlight係我哋返港放假同埋一齊去馬尼拉探望短宣緊嘅Agnes。最難忘嘅應該係我哋同Agnes臨別之前，將身上嘅菲律賓錢差唔多全數俾哂佢。點知去到機場先知原來要俾人頭稅！當將身上所有不多嘅港幣英磅都揾哂出嚟都唔夠俾嘅時候，幸好天父突然空賜奶奶係n年前俾你，擺咗係你銀包度有咁耐得咁耐嘅利是嚟打救我哋！感謝神！

美味海鮮大餐

我哋帶去嘅文具

我一直都確信我倆嘅婚姻係深深被神祝福，帶領同保守。感謝主，係2007年12月30日，我倆在最喜愛的教會，被最令我倆敬佩嘅黄牧師，在眾多弟兄姐妹面前，重申在主裡愛的盟約，領受上帝寶貴嘅祝福。

2008年嘅1月，最開心嘅係可以同Adrian & Christine一家,加埋 Polly，Mary & Vincent，同Ah-B一齊歡度新年，感謝神賜與我哋一班好珍惜嘅家人朋友一齊送舊迎新。

2008年2月，中國新年。我記得我哋約埋Mary & Vincent同埋Ricky一齊食西餐團年飯。我哋倆同埋Mary都為着可以keep住每個新年都要一齊食團年飯而滿心感恩。

記得係2008年2-3月份，我倆都為着一啲問題而不快。但老公，你知嗎？依家回頭再想，我滿懷平安。因為事情過後我知道關心我哋嘅弟兄姐妹只有變得更加親密，而事後我倆嘅關係亦更加穩固在主的盤石上。我倆知道就算將來雨再大，風再急，天父都會帶領我倆安然度過。

2008年3月尾至4月，我諗我哋最enjoy嘅就係每次同阿James, Sue & Baby Christian多次嘅相聚。我未曾試過咁enjoy俾人多次稱呼我做Auntie Irene(之前好怕聽到，想必係怕認老嘅關係！)。相信你亦好suprise點解一聲Uncle Rod會可以令你成個軟哂...連你好鐘意嘅飛機模型都忍唔住要雙手奉上！加上同阿James & Sue好多真誠嘅分享，天父籍着Jame & Sue一家賜與我倆無限歡笑和關懷備置。

响我仲係一個初信徒嘅時候，曾經聽過一個屬靈長者講過，話基督徒嘅生日不比洗禮當日值得慶祝。因為人一離開母胎誔生嗰日開始，就係罪人。而只有洗禮那天先係'新人'嘅開始，先真正直得慶祝。係某程度上我agreed，但我卻依然喜愛慶祝你嘅生日。因為出世與否不由得我倆掌控。但由於你的出生，神的帶領、祝福，賜與你新的生命，以至你的生命來影響我的生命，令我倆在世的生活從此不再一樣。呢一樣美事，都籍得我倆和知己好好慶祝分享一番。

Dear Carmen & Ricky, 今晚唔只餐飯正，分享更加係無得定！多謝你哋呀！

親愛的老公，祝你生日快樂！願你在主的眷顧下，靈命一天比一天更新成長，身體健健康康，我倆一日比一日更加恩愛。

Deserve 唔 Deserve?

噚日係我嘅Annual Appraisal Day。

以前做學生時，每學期孝完試後都會有成績表。每一次從老師手上接住呢張 '生死狀' 時，嗰種心跳手震，呼吸困難，耳鳴頭暈嘅情況，諗起都心有餘悸。

噚日就係我打工仔時代嘅派成績表日。

成績係base on成年嘅表現。而更加殘酷嘅係响我上司appraise我之前，我要先appraise咗自己：要上網填一張極盡詳細嘅form，一分最好，五分最差；填完後submit俾我上司，佢睇完咗我俾自己嘅評分同comment，然後到佢俾....

自己俾自己分 - self appraisal - 絕對唔係一件容易嘅事：俾自己低分，心有不甘；俾自己稍為高分，又驚俾上司認為過於自大；假若佢俾得低過我自己俾自己嘅分數時，嗰種尷尬嘅感覺絕對係會叫我撼頭埋牆咁濟....

感謝神！我一路祈禱，一路填form，用最坦然同成實嘅心去完成佢。

當我每日都係以 '見一日過一日'，'煮到埋嚟就食' 嘅心態去處理工作時，由於每日都咁忙、咁多嘢做嘅關係，我真係無乜時間同空間去回想吓我工作嘅表現同態度。件事做完咗就算，無話點樣去諗番轉頭，亦唔太覺得自己做咗啲乜嘢唔好嘅地方。

但當做緊self appraisal時，好奇怪咁，腦海裏所諗到嘅，好多都係做錯、或做得唔好嘅事。好似不斷咁聽到一把聲音同自己講, '哇！咁你都做錯嘅？！' '咁簡單可以避免嘅你都錯得？！' '咁你都唔識？！唔係嘛....' 好老實講，當我做完咗個self appraisal時，我絕對唔覺得自己deserve呢份工，真係有無地自容嘅感受。

但surprisingly, 到最後我上司俾我嘅分數，係遠好過我自己俾自己嘅分數。可以攞到中上嘅成績，自己都不明所以。

我同我上司講，'I really don't deserve it.'

上司回答說, 'You know Irene, I won't give you anything that I think you don't deserve.'

我回答說, 'But I really think I don't deserve it!'

跟住我上司同我go through咗一連串嘅analysis，improvement plan，明年計劃等等...感謝神，整個過程都係愉快同有建設性。

我之後諗咗好耐我同上司以上嘅對話，天父籍此提醒咗我一件好重要嘅事。

我對神講, '神啊！我真係不配祢對我咁好！'

神回答，'我 未 將 你 造 在 腹 中 、 我 已 曉 得 你 、 你 未 出 母 胎 、 我 已 分 別 你 為 聖 ． 我 已 派 你 作 列 國 的 先 知 。' (耶1:15)

因 我 看 你 為 寶 為 尊 、 又 因 我 愛 你 、 所 以 我 使 人 代 替 你 、 使 列 邦 人 替 換 你 的 生 命 。(賽43:4)

我回答神說, '係啫！但係我真係唔值得祢咁愛我！'

神回答，說, '大 山 可 以 挪 開 、 小 山 可 以 遷 移 ． 但 我 的 慈 愛 必 不 離 開 你 、 我 平 安 的 約 也 不 遷 移 ． 這 是 憐 恤 你 的 耶 和 華 說 的 。 (賽54:10)

父 自 己 愛 你 們 、 因 為 你 們 已 經 愛 我 、 又 信 我 是 從 父 出 來 的 。 (約16:27)

我 賜 給 你 們 一 條 新 命 令 、 乃 是 叫 你 們 彼 此 相 愛 ． 我 怎 樣 愛 你 們 、 你 們 也 要 怎 樣 相 愛 。你 們 若 有 彼 此 相 愛 的 心 、 眾 人 因 此 就 認 出 你 們 是 我 的 門 徒 了 。(約13:34-35)

我 愛 你 們 、 正 如 父 愛 我 一 樣 ． 你 們 要 常 在 我 的 愛 裡 。你 們 若 遵 守 我 的 命 令 、 就 常 在 我 的 愛 裡 ． 正 如 我 遵 守 了 我 父 的 命 令 、 常 在 他 的 愛 裡 。' (約15:9-10)

無錯！我絕對係唔配神偉大豐盛嘅慈愛！但此刻我要做嘅，並唔係再同神去爭論配或不配嘅問題，而係要心存感恩嘅心，遵守主嘅命令，常活在神嘅愛入面，學習耶穌一樣，去榮神益人！

好的開始，是成功的另一半！

噚睌，我終於鼓起勇氣，從新pick up番我接近一年無掂過嘅織針同毛冷。

上年襯住媽咪探訪嘅時間，我虛心咁學習點樣鉤針編織。由於資質同領悟能力較低嘅關係，媽咪覺得我織到條頸巾已經好叻。好遺憾，我相信我將無能繼承我媽咪烹飪同編織嘅高超技術...

慈母手中線...

我將我第一條製成品 - 亦係不幸地手功最差嘅一條 - 送咗俾媽咪，然後緊接住老爺上年嘅大壽，我又膽粗粗咁織多一條嚟送俾佢。我覺得第二條絕對有明顯嘅進步 - 起碼係戴出街都應該唔會俾人笑。上年織完咗兩條之後，為防止眼盲或手部抽筋嘅關係，一停就停咗成年....

知道好快又回鄉探親嘅原固，我好希望能夠趕得及，織一條俾錫我如錫自己女一樣嘅奶奶。顏色係佢最鐘意嘅紫色，至於款色方面，亦因應住本人能力範圍嘅有限，將會係以幾時都咁潮嘅格仔為藍本。

好嘅開始，係成功嘅另一半！雖然仲有排織，但我會盡力趕功架喇！加油呀Irene！

一個百感交集嘅九月

九月，我無好似其它月份咁多寫blog.

九月....

雖然曾經病過 ，但感謝神此刻並無大礙。

雖然月頭阿Rod係腳筋曾經又痛又腫，但感謝神經黄牧師嘅醫冶祈禱後，神大大嘅醫冶同減輕咗阿Rod嘅不適。

雖然失去咗Fifi ，但深信佢係天父處有更好更開心嘅生活，加上眾弟兄姐妹嘅鼓勵同安慰，我感謝神賜與我同Fifi好多温馨嘅回憶。

雖然工作壓力大，但感謝神同時又有好多其它嘅飯局同弟兄姐妹嘅真誠分享，令到日子過得又開心又容易啲。

雖然知道Mary 好快搬走，但感謝神賜與愛佢嘅令一半同埋我哋好多一齊食晚飯嘅甜蜜時間。

雖然最初好怕同細細佬一齊生活，但感謝神賜與我倆機會從新認識，叫我同阿Rod依家好期待細細佬下一次嘅再臨。

雖然月頭靈命比較底落，但感謝神黄牧師嘅歸來，令我嘅靈命又得已從新振作！

主啊！人生道路，有起有跌，有高有低；但感謝神, 神 豈 不 是 察 看 我 的 道 路 、 數 點 我 的 腳 步 呢 。 (伯31：4)

然 而 他 知 道 我 所 行 的 路 、 他 試 煉 我 之 後 、 我 必 如 精 金 。 (伯23:10)

神 使 他 們 安 穩 、 他 們 就 有 所 倚 靠 ．神 的 眼 目 也 看 顧 他 們 的 道 路 。 (伯24:23)

咳....咳....咳...

去完Leeds之後喉嚨開始有啲痛，有少少傷風。之後雖然有立即食藥，但可能仲要等吓添...今日唔單只咳死我，仲要...無埋把聲....ohhhhh....

但係我依然要滿心感謝神，因為佢賜與我好健康去Leeds探朋友，有好聲線响星期日獻詩，有好boss俾我提早放工休息，回家後唔使煮仲有碗隔夜粥食...天父啊！多謝祢係我唔舒服時俾我嘅適心照料！祢對我真係好到無得頂！

加油呀Irene！要快啲好番呀！！！

沒有fellowship, 不會有worship

呢個唔係有雞先定係蛋先嘅問題。呢個係若沒有A，便不會有B嘅論點。

當我剛信主不久，我已經sort of 決志，要做一個worship leader。 當時年紀仲細(中學都未畢業)，只覺得可以係台上帶領咁多人一齊，唱自己所選擇同鐘意嘅歌係一件幾威嘅事。嗰陣教會(係Mauritius)並無乜嘢帶詩訓練，由於人數又唔多，慢慢就變成咗. '咁簡單嘅job, 邊個得閒就邊個帶啦！'嘅態度。

加入詩班後，慢慢明白到更多帶詩或獻詩嘅技巧同心態，而亦有一啲海外嘅傳道人嚟教道，逐漸了解原來帶詩唔係一件好威水嘅事，而係一件完完全全降服係神面前，恭恭敬敬咁將自己交上；要體貼神嘅心思意念，講出神想要你籍住詩歌，敬拜，讚美，祈禱等去帶領會衆同神見面。

我好多謝天父，賜與我機會係台上事奉神同弟兄姐妹，亦賜與我好多唔同嘅機會去學習帶詩同唱歌嘅技巧。雖然我仲有大把嘢要學，但心態已經慢慢swtich咗focus: 我嘗試緊多啲專注係屬靈因素，少啲focus係skill方面。

至從入咗SOC後，被黄牧師不斷又不斷咁提醒自己，'事工永遠係次要，關係先係最緊要'。依家嘅我深知道要追求技巧可能係一件永遠都沒完沒了嘅事；就算隊worship team嘅技巧高到好似播CD一樣，但若果當中無咗和陸，包容，喜樂，愛心等等神更加看重嘅精神，所奏出嚟音樂都絕不能榮神益人，咁就不如唔好做好過！

能健康正常咁活着係恩典，能夠係星期日去到教會敬拜神係恩典；而被神差遺去做佢嘅事工亦係恩典！天父亦都知道我鐘意玩同埋食嘅性格，因此自從可以係SOC教會幫手帶詩之後，我就將每一次worship prep嘅時開變咗做fellowship: 有得食餐好，又有得jam靚歌，仲有好多好正嘅分享時間... Oh! Worship & fellowship絕對係決一不可！！！

多才多藝嘅Adrian

既Rock得又浪漫得嘅Angus

絕對係無得彈嘅Christine

人靚歌甜嘅Rachel & Esther

加埋我: 無時停嘅Irene

好可惜Adrian今個星期日唔得閒...da la! 近乎完美嘅12th Aug Worship Team!

時 候 將 到 、 如 今 就 是 了 、 那 真 正 拜 父 的 、 要 用 心 靈 和 誠 實 拜 他 、 因 為 父 要 這 樣 的 人 拜 他 。 神 是 個 靈 ． 所 以 拜 他 的 、 必 須 用 心 靈 和 誠 實 拜 他 。(約4:23-24)

至 於 我 、 我 必 憑 你 豐 盛 的 慈 愛 進 入 你 的 居 所 ． 我 必 存 敬 畏 你 的 心 向 你 的 聖 殿 下 拜 。 (詩篇5:7)

PS: 特別鳴謝Christine嘅高級西餐款待同理大埔劉華嘅拍攝！

該慶祝的生日和Born Again

在我信主無幾耐後，曾聽過—個教會長者講過，'基督徒唔應該慶祝生日，因為每一個人嘅誕生都係帶俾呢個世界多一個罪人；反而我哋更應該慶祝重生(Born Again)，因為世界從始多一個信主得救嘅人’。我絕對應同後者，但也同時應為基督徒嘅生日亦值得慶祝。

耶穌曾話，一個好牧羊人，唔會因為'唔見咗一隻羊啫，都仲有九十九隻羊'而心存僥倖。好牧人會立即放下個九十九隻羊而去尋找迷失咗個一隻。搵到後會happy到要開party慶祝！

若我無出世既話, 我唔會有機會認識我主耶穌嘅愛，被佢拯救，與神一齊去經歷生，老，病，死；不管以前嘅我脾氣有幾差，自我有幾咁自私，或做事幾咁野蠻任性，我相信當我願意打開心靈，接受主耶穌做我個人救主嘅嗰一刻，天父同天使都曾經為我呢個頑友細路開party慶祝過！

係我人生嘅低谷時，我曾問過自己, ‘若我無係呢個世界上出現過就好喇。' 但每一次當我被神帶領我一步一步咁跨過難題時，我都要感激神所賜與我誕生同存活機會；感謝佢看顧我嘅生命同帶領我點樣去活得豐盛同精采。

人大咗，慶祝生日亦通常係同三五知己一齊去食餐飯。但每當我去回顧過去咁多年嘅生日相時，我發現有啲朋友已經不在身邊（如返港 for good）, 有啲雖然還在附近但卻少咗聯絡；有啲則變得相當疏離。能夠留係身邊年年都一齊慶祝嘅絕對係極少數… 但我心依然充滿感恩：神賜與我機會去認識相片中嘅你，當中亦曾一起經歷過好多唔同嘅ups and downs，或一齊事奉過，或一齊大喊大笑過，或一齊低頭祈禱過… 呢一切一切回憶都係寶貴同渦心 – 每次諗起都總係值得人會心微笑。

給A小姐的回信

親愛的A小姐，

非常多謝你的e-貓！做媽媽嘅你一定好安慰。有個又乖，又勤力，又考順嘅女兒，絕對係做父母嘅你嘅一大驕傲！

得知你最近嘗試返咗一次教會，我同老公都為此感到興奮同感恩。我知道星期日對香港人嚟講都係超重要嘅一日。就算唔行街shopping，留係屋企抖吓唔好過？！但somehow你內心有一絲絲說不出嘅感動，而最正嘅係你無俾呢小小嘅感動就咁就消失。你選擇咗去教會。就算明知嗰度唔識人，地方又陌生，但係你都要試一試，去認識一吓我個blog度經常提起嘅神係セ水。

你話你覺得做基督徒嘅我哋好開心，睇呢個世界セ嘢都好似好啲同靚啲。你講得一啲都無錯！皆因 神 造 萬 物 、 各 按 其 時， 成 為 美 好 ． 又 將 永 生 安 置 在 世 人 心 裡 ． (傳道書3:11)。世上無セ嘢比得上神嘅愛同埋佢賜比信佢嘅人永生嘅盼望。當你諗起你有個樣樣都會照顧週到，又超級愛你嘅天父時，你就會變得凡事都會獻上感恩：就連最差嘅天氣，你都會揾到佢美麗嘅地方。

當然，做咗基督徒之後我嘅生活都唔係一帆風順。同未信嘅人一樣，生活有起有跌。

我响Mauritius度讀中學時信主。有個好好嘅教會，弟兄姐妹相處容洽；我係教會度有好多好正嘅事奉，信仰生活都幾寫意。但家庭生活卻唔太理想...

有一日預備考A-level温書時，我父母吵鬧得好厲害。因為爸爸出現第三者嘅關係，我哋一家好似散哂咁。嗰段時間無論係媽媽，或係我哋三姐弟，都流咗好多眼淚。我不斷問神，點解會發生呢啲事，點解爸爸會寧願揀嗰個女人都唔選擇佢嘅家庭，點解...點解....但天父卻依然沉默。

神嘅沉默，令我以為佢唔再愛我。雖然我仍然繼續番教會，但我身體坐响church度，靈魂卻在反叛漂浮。我變得好怕返屋企，因為我好怨恨我爸爸，亦好怕見到我媽媽身心交瘁嘅樣子。我變得好麻目，淨係想逃避。因此明知我媽媽係唔夠錢供我到外國讀書，我都強迫佢放我走。

去到美國，我過住啲好孤僻嘅生活。我努力讀書，但其它一切我都置之不顧。我性格大變，我同自己講，淨係做應該要做嘅嘢就足夠。我唔好識咁多朋友，因為我唔想講太多自己嘅嘢。我無返教會，好刻意咁同神保持住距離，因為我覺得佢完全地孤負咗我。

好巧妙咁我認識咗阿Rod。交談時大家都有提及到宗教信仰，當時嘅佢對信仰觀念好糢糊。於是我慢慢咁以我所認識嘅同佢分享。當我以為佢唔會想繼續係呢個topic度傾落去時，我估唔到福音嘅種子已經散落咗响佢心底處。發展落去係明明我唔想講，唔想分享，唔想返教會，阿Rod都會鼓勵我繼續落去。天父响我人生嘅低谷處用愛去扶起我。响我最孤單無助嘅時候，佢賜與我依家嘅老公，作為我白頭偕老嘅終身伴侶。

天父認為漂撲嘅生活唔再適合我，佢帶領我由美國返到香港工作，再移居英國安定落嚟。我從未諗到神會賜與我一份office嘅工作，同埋咁正嘅SOC教會。佢從來都無離棄過我同我家：大細佬响新加坡大學畢業，最近仲結埋婚；細細佬考取到獎學金，有幸可以嚟英國深造，依家讀緊Year 2；而媽媽係幾年前都信埋主。雖然佢內心嘅傷可能永遠都不能完全被醫治，但佢學識咗點樣將一切都交托比主，因為神係好願意去擔起我哋背負唔起嘅傷痛。神 所 要 的 祭 、 就 是 憂 傷 的 靈 ．神 阿 、 憂 傷 痛 悔 的 心 、 你 必 不 輕 看 。 (詩篇51:17)

基督徒要經歷嘅苦難，同非基督徒嘅人並無セ嘢唔同。唔同嘅係我哋唔需要一個人孤單咁靠自己有限同微小嘅力量去面對。耶 和 華 是 我 的 力 量 、 我 的 詩 歌 、 也 成 了 我 的 拯 救 ． 這 是 我 的 神 、 我 要 讚 美 他 、 是 我 父 親 的 神 、 我 要 尊 崇 他 。 (出埃及記15:2)；但 我 要 歌 頌 你 的 力 量 、 早 晨 要 高 唱 你 的 慈 愛 ． 因 為 你 作 過 我 的 高 臺 ． 在 我 急 難 的 日 子 、 作 過 我 的 避 難 所 。 (詩篇59:16)。我同埋好多好多信神嘅基督徒一樣，我 靠 著 那 加 給 我 力 量 的 、 凡 事 都 能 作 。 (腓立比書4:13)

親愛嘅A小姐，我同阿Rod會為你祈禱。希望有一日你都會同我哋一樣，去親身經歷到主耶穌佢豐盛無限嘅慈愛！

敬祝 主恩滿溢！恩典常隨！

主內，
Irene上

一件温馨的小擺設

我同老公都好喜歡行家品店。

仲未搬屋之前，我哋住响一個studio flat度。最初都幾enjoy，因為終於都有我哋自己嘅小天地。但係當越住越耐後，買嘅嘢又越嚟越多，居住環境仿彿越住越狹窄。之後就算見到啲好正嘅家居精品都唔敢買，因為怕頭痛唔知擺邊度好。

直至搬到依家住緊嘅屋企，雖然地方比好多朋友嘅家都較細，但係對我同老公嚟講，卻係一個夢寐以求嘅温暖窩。阿Rod時時都舉行一啲'家居改善工程'，務求令屋企更加有聲有色。放假時雖然佢千萬個唔願意，但見到我清潔屋企時佢都會幾主動嚟幫我手。好似今日咁，雖然佢個肚仔好唔舒服，但佢都盡力咁幫我，我真係好touch架。

我哋住緊嘅家每一個角落都用咗好多心機去堆砌而成。買傢俬或擺設時都會先問吓對方嘅意見，要兩個人都鐘意喇先買。如果買咗之後會令令一半唔多歡喜嘅話，咁就只可以擺响自己間書房度，唔會擺响客廳度，費事令對方唔開心。不過呢啲情況都好少發生。

今日晏晝我哋係屋企附近行街食brunch，照慣例行吓我哋兩個都好鐘意嘅基督教書店。老公好興奮咁發現咗一個小擺設，立即叫我過去睇吓。我望住件精品，又望一望我老公，跟住我忍唔住發出回心嘅微笑。

'都幾貴喎。' 我微笑說。

'唔緊要，你鐘唔鍾意呀？你鐘意我就買喇。' 老公回答。

老公，我梗係鐘意喇。因為呢個小擺設所散發出嘅甜蜜同温馨真係好襯我哋屋企架。

True Love

一次接待小孩子嘅經歷

人生到咗某個階段，總會出現一啲問題，隨非你已經將佢處理掉，如果唔係呢啲問題總係揮之不去。

好似細個時媽咪會成日問我‘幾時先識大？’，到大啲讀書後大家就轉問我‘幾時畢業？’‘幾時出嚟做嘢？’‘幾時拍拖？’‘幾時結婚？’終於都過五關，軋六將，到今日終於都俾人問‘幾時生BB？’，仲一問問咗幾年添。

我有兩個細佬，本人係大家姐。係屋企細個時已經有照顧BB嘅經驗。記憶中好忙，有好多好難嘅嘢做，責任實在太大喇！搞到好怕小朋友，亦無諗過要生番個。

係好巧妙嘅情況之下，我同老公做咗一個小朋友嘅guardian。

小朋友Hayley最近放term break，放九日假。最初我有啲擔心，因為我同老公日抖要番工，夜睌有時又要夜返，Hayley一個人响屋企搞唔搞得掂架？幸好十三歲嘅佢年紀輕輕，卻十分憧事。我每睌煮飯時會煮多少少作為佢第二日嘅午餐，早餐佢自已食啲簡單嘅嘢。Hayley知道放完假後就考試在即，日間佢自動自覺温習功課，夜睌佢會幫我一齊煮飯。我哋一齊彈琴，打機同睇電視，每一睌相聚嘅時間都格外甜蜜温馨。

同Hayley一齊生活令我對小朋友嘅睇法改變咗。第一次同年紀咁細嘅一齊生活，當我哋以為會好麻煩同大責任時，到最後其實有好多嘅時間我同阿Rod都係响度享受緊佢嘅company：佢對事物嘅睇法，佢嘅感受，鐘意同唔鐘意嘅原因，往往都好amaze我。雖然大人嘅睇法係成熟同理性啲，但有時候相比之下，小朋友思想嘅眶哐卻廣大瞭闊好多 。

响馬太福音裡面話，耶 穌 便 叫 一 個 小 孩 子 來 、 使 他 站 在 他 們 當 中 、說 、 我 實 在 告 訴 你 們 、 你 們 若 不 回 轉 、 變 成 小 孩 子 的 樣 式 、 斷 不 得 進 天 國 。所 以 凡 自 己 謙 卑 像 這 小 孩 子 的 、 他 在 天 國 裡 就 是 最 大 的 。凡 為 我 的 名 、 接 待 一 個 像 這 小 孩 子 的 、 就 是 接 待 我 。(18:2-5)

我同老公好感謝天父，賜與我倆機會學習點樣去接待小朋友。感謝神祢改變咗我對照顧小孩嘅想法，雖然係責任重大，但我相信若我倆能'謙 卑 像 這 小 孩 子 的’，天父祢必會加給我哋力量同智慧，教導我同老公一齊去扶助我哋未來小天使嘅成長。

一齊去pub度食飯

食完飯去鴨仔湖度散心

一齊去St Paul食日本嘢

幾正架！

Millennium Bridge

Notting Hill 行街Shopping

At SOC Church: Baby Christian birthday celebration, Hayley向Esther姐姐學師！

睇吓個蛋糕幾靚！！！

一班Cheeky Monkies!

順帶講聲: HAPPY BIRTHDAY BABY CHRISTIAN!!! YEAH!

各位書生，加油呀！

雖然好多人都話做學生嘅時間係最無憂無慮嘅，但若果再俾我揀我都係鐘意做嘢多啲。主要係因為我好怕考試。

我唔怕做project，寫essay, 做assignment，但要我將成年讀嘅嘢响兩個小時內死記難背出來，我真係無呢個能耐同把握。直到今日每當我工作壓力大嘅時候，我嘅潛意識就會係夜睌發夢時通常都發埋啲係學校考試，對住份睇唔明嘅試卷，頭昏腦脹，感覺想暈想嘔嘅夢。到驚醒後個心都依然係久久不能平服嗰種恐懼感。我自己都覺得自己好傻！

細個時對壓力處理完主全係靠同朋友傾訴，皆因大家都正在面對同一處境，有同感嘛。直到認識主耶穌，每當温書温到想放棄，覺得萬念俱灰時，我都會停一停，走去揾我個大細佬，佢彈琴，我唱歌。大家一齊响詩歌裡重新得力。而我最細嘅細佬David(响church度彈過結他嗰個)一聽到音樂聲，佢嗰陣重好細，唔太識唱，但都會入嚟聽詩歌。音樂，响我哋三姐弟中由細到大都飾演咗一個重要嘅角色，係連系我哋三個其中一樣好重要嘅bonding。

身在異鄉，有好多弟兄姐妹都係一個人搞掂起居飲食，生活一切大小所需都要自己落手落腳砌掂佢。考試其間壓力大，要捱過一啲都唔容易。My dear Rendtorff, Josh, Lay Hui, Loretta, Cecil, 宇安，偉鵬，Kevin, 阿Tim, Lesley, Amy.....等等等等嘅弟兄姐妹，加油！係每一個温書温到三更半夜嘅睌上，我哋嘅主耶穌亦在你身旁，陪伴左右，一齊渡過艱難時段！

耶 和 華 是 我 的 力 量 、 是 我 的 盾 牌 ． 我 心 裡 倚 靠 他 、 就 得 幫 助 ． 所 以 我 心 中 歡 樂 ． 我 必 用 詩 歌 頌 讚 他 。(詩28:7)

堅 心 倚 賴 你 的 、 你 必 保 守 他 十 分 平 安 、 因 為 他 倚 靠 你。(賽26:3)

我會為你哋祈禱架！

我每日都要早啲瞓！

有好多弟兄姐妹都知道我住嘅地方同工作Office相距好遠。如果地鐵無delay嘅話我大概要預兩小時door to door返工。即係話來回要成四個鐘嘅時間。因為咁最初搬屋時大部份嘅弟兄姐妹都唔係太支持我呢個決定，連老公都好擔心我身體未必捱得住。感謝神！除咗腰骨痛之外我同老公响 '新居' 度真係住得好開心。每日經過週圍綠油油嘅路行去搭車時，我內心都充滿感恩。而每日放工回家嘅時間亦係我全日嘅highlight! 總係急急腳等唔切快啲返屋企咁！

可能好多人都有我相似嘅感覺，總覺得响屋企嘅時間過得特別快。食完睌餐，睇一陣電視，沖埋涼，上一陣網，眨下眼就已經十一、二點。最初我同老公都覺得成日返工咁辛苦，早啲瞓咪好唔抵！點都要拖到十二、一點唔知做咗啲セ先肯返睡房，仲要睇多一陣電視同書先終於肯熄燈瞓覺。可能而家年紀不及以前，第二日起身感覺好似無瞓一樣！成個人散哂咁！所以今日我同老公都要決志，每日起碼早半個鐘頭瞓，主要都係要好好保重身體，每日都要將最好嘅精神做好神所賜與嘅工作！

係箴言第三章咁話：

我 兒 、 要 謹 守 真 智 慧 和 謀 略 ． 不 可 使 他 離 開 你 的 眼 目。

這 樣 、 他 必 作 你 的 生 命 、 頸 項 的 美 飾 。
你 就 坦 然 行 路 、 不 至 碰 腳 。
你 躺 下 、 必 不 懼 怕 ． 你 躺 臥 、 睡 得 香 甜 。

噢！唔寫啦！大家都早啲休息喇！Good Night!

老公！你係得嘅！

今日我嘅新notebook到咗！好開心！自己之前個部實在太舊，假若我想打開一個較多動畫嘅網站，將需時大慨係沖一杯荼或彈本首歌嘅時間！雖然我部新機唔係最勁同powerful，但係起碼依家係沖咗杯荼後就再無時間飲lu...直係好！

話說今朝早我花咗成個早上幫部電腦做setup。但無耐搞來搞去都上唔到網。以我咁無耐性嘅性格實在係等唔切我老公放エ返嚟整。於是我立即IM我美國嘅大佬問吓セ嘢係network key, セ嘢係呢樣同嗰樣。無耐我大佬雖然施展哂渾身解數，但我仍然係唔知發生乜嘢事......成個朝頭早都好無耐咁望住部機...............

好唔容易先等到我老公放公返屋企！而我老公當然係繼續佢嘅生活routine而唔會立即幫我整部機啦！終於等到佢食完飯，食生果，睇完戲，上埋網，飲完荼....之後，我老公就响我沖完涼，彈完琴，覆埋mail嘅時間令到我嘅小小notebook生龍活虎！佢老婆我實在係自愧不如 + 嘆為觀止！

老公！你係得嘅！

感激！感人！感嘆！感動！

首先，我要誠心誠意咁多謝各方好友、五湖四海嘅弟兄姐妹，俾我勁大量嘅支持同鼓勵！實在感激！

終合多方面嘅回應後，可以話有好多弟兄姐妹都好look forward to 我嘅next blog，實在感人！

而更有絕大部分嘅弟兄 - 無錯, 主要係弟兄 - 都唔係好相信我都會坐定定响電腦面前寫blog，實在令人感嘆！

而更加估唔到嘅係你 - 無錯，唔好兩頭望，我係講緊你呀！- 竟然會返嚟呢個blog度讀緊呢個message, 實在令人感動！

各位，你哋實在令我感到... 感到....好温暖呀！！！